Kia Syros Suv Bookings Open: దక్షిణ కొరియాకు చెందిన కార్ల తయారీ సంస్థ కియా తన కొత్త 'కియా సిరోస్' SUV బుకింగ్స్ను అధికారికంగా ప్రారంభించింది. డిసెంబర్ 19న మన దేశంలో ఈ మోడల్ను పరిచయం చేశారు. సబ్‌కాంపాక్ట్ SUV సెగ్మెంట్లో ఇది ప్రీమియం ఎక్స్పీరియన్స్ను అందిస్తుంది. ప్రస్తుతం భారత్లో కియా లైనప్లో సోనెట్, సెల్టోస్తో పాటు ఈ కొత్త సిరోస్ కూడా వచ్చి చేరింది.
బుకింగ్ ప్రైస్ ఎంత?: కస్టమర్లు రూ. 25,000లను చెల్లించి ఈ కొత్త కియా సిరోస్ కారును బుక్ చేసుకోవచ్చు. కంపెనీ వెబ్సైట్ లేదా మీ సమీపంలోని కియా షోరూమ్ను సందర్శించి ఈ ప్రక్రియను పూర్తి చేయొచ్చు.
ఇంతకీ ఈ కారు ధర ఎంత?: కంపెనీ ఈ కారు ధరను ఇంకా రివీల్ చేయలేదు. అయితే దీని ధర రూ. 10 లక్షల (ఎక్స్-షోరూమ్) నుంచి ప్రారంభమవుతుందని అంతా భావిస్తున్నారు.
డెలివరీలు ఎప్పటి నుంచి?: ఈ సబ్కంపాక్ట్ SUV డెలివరీలు వచ్చే నెలలో ప్రారంభమవుతాయని సమాచారం. ఫిబ్రవరి 1, 2025న కంపెనీ దీని ధరలు వెల్లడించిన తర్వాత డెలివరీ ప్రాసెస్ జరగనుంది.
కియా సిరోస్ వేరియంట్స్: కంపెనీ ఈ కియా సిరోస్లో ఆరు వేరియంట్లను అందించింది.
- HTX
- HTX+
- HTX+ ఆప్షనల్
- HTK
- HTK ఆప్షనల్
- HTK+
కలర్ ఆప్షన్స్: ఈ కారు ఎనిమిది సింగిల్-టోన్ ఎక్స్టీరియర్ కలర్ ఆప్షన్లలో వస్తుంది. ఈ ప్యాలెట్‌కు ఫ్రాస్ట్ బ్లూ అదనంగా ఉంటుంది. ఇది బ్లాక్ అండ్ మాట్టే ఆరెంజ్ యాక్సెంట్స్తో గ్రే డ్యూయల్-టోన్ థీమ్‌ను కలిగి ఉంటుంది.
ఫీచర్లు: ఈ సిరోస్ ఒక ఫీచర్-రిచ్ సబ్ కాంపాక్ట్ SUV. ఇది 30-అంగుళాల ట్రినిటీ పనోరమిక్ డ్యూయల్-స్క్రీన్ సెటప్‌ను కలిగి ఉంది. ఇందులో డిజిటల్ ఇన్‌స్ట్రుమెంట్ క్లస్టర్, టచ్‌స్క్రీన్ ఇన్ఫోటైన్‌మెంట్ సిస్టమ్ వంటివి ఉన్నాయి. ఈ సిస్టమ్ వైర్‌లెస్ ఆటో కార్ప్లే, ఆండ్రాయిడ్ ఆటోకి సపోర్ట్ చేస్తుంది. అంతేకాక ఈ సైరోస్‌లో వైర్‌లెస్ ఛార్జర్, ట్విన్ USB ఛార్జింగ్ పోర్ట్‌లు, వెంటిలేటెడ్ ఫ్రంట్ అండ్ రియర్ సీట్లతో పాటు స్లైడింగ్ అండ్ రిక్లైనింగ్ సెకండ్-రో సీట్లు ఉన్నాయి. వీటితో పాటు డ్యూయల్-ప్యానెల్ పనోరమిక్ సన్‌రూఫ్ కూడా ఉంది.
కియా సిరోస్ సేఫ్టీ ఫీచర్లు: భద్రతా పరంగా కియా సిరోస్ లెవెల్-2 ADAS సూట్తో వస్తుంది. ఇందులో 16 అడాప్టివ్ ఫీచర్లు, హిల్-స్టార్ట్ అసిస్ట్, ఎలక్ట్రానిక్ స్టెబిలిటీ కంట్రోల్, ఆరు ఎయిర్‌బ్యాగ్‌లు, 360-డిగ్రీ పార్కింగ్ కెమెరా, ఫ్రంట్ పార్కింగ్ సెన్సార్లతో పాటు మరిన్ని ఇతర ఫీచర్లు ఉన్నాయి.
ఇంజిన్ ఆప్షన్లు: ఈ కొత్త కియా సిరోస్ రెండు ఇంజిన్ ఆప్షన్లతో వస్తుంది. వీటిలో మొదటిది 1.0-లీటర్ టర్బో-పెట్రోల్ ఇంజిన్. ఇది 118bhp పవర్, 172Nm టార్క్ను ప్రొడ్యూస్ చేస్తుంది. ఇక రెండోది 1.5-లీటర్ డీజిల్ ఇంజిన్. ఇది 114bhp పవర్, 250Nm టార్క్ను అందిస్తుంది. ఈ కారు పెట్రోల్ వేరియంట్ 6-స్పీడ్ మాన్యువల్, 7-స్పీడ్ DCT ట్రాన్స్‌మిషన్‌తో వస్తుంది. అయితే డీజిల్ ఇంజిన్ 6-స్పీడ్ మాన్యువల్, 6-స్పీడ్ టార్క్ కన్వర్టర్ గేర్‌బాక్స్‌తో వస్తుంది.
క్రెటా ఈవీని ఆవిష్కరించిన హ్యుందాయ్- సింగిల్ ఛార్జ్తో 473కి.మీ రేంజ్- ఫస్ట్లుక్ చూశారా?
లో కాస్ట్.. హై పెర్ఫార్మెన్స్: ఈ బైక్స్ వేరే లెవల్ బ్రో- 400cc సెగ్మెంట్లో టాప్ ఇవే!
BSNL యూజర్లకు షాకింగ్ న్యూస్!- సంక్రాంతి నుంచి ఆ సర్వీసులు బంద్!
USB-C పోర్ట్, యాపిల్ మోడెమ్, న్యూ డిజైన్తో 'ఐఫోన్ SE 4'- ధర ఎంత ఉంటుందంటే?
