ఫ్రీగా 'SBI ఉన్నతి' క్రెడిట్ కార్డ్- నాలుగేళ్ల వరకు నో ఫీజు- బోలెడు బెనిఫిట్స్ కూడా!

ఎటువంటి వార్షిక చార్జీలు లేకుండా ఉచితంగా క్రెడిట్ కార్డు- ఎస్​బీఐ కార్డ్ ఉన్నతి వివరాలు మీ కోసం

SBI Card Unnati Benefits : క్రెడిట్‌ కార్డులను వాడాలంటే జాయినింగ్‌ ఫీజుతో పాటు వార్షిక రుసుములు ఉంటాయి. క్రెడిట్‌ కార్డు వాడినా వాడకపోయినా ఈ రుసుములు చెల్లించాల్సిందే. అయితే స్టేట్​​ బ్యాంక్ ఆఫ్​ ఇండియా(ఎస్​బీఐ) ఎటువంటి వార్షిక రుసుము లేకుండా క్రెడిట్ కార్డ్​ను అందిస్తోంది. అదే 'ఎస్​బీఐ కార్డ్ ఉన్నతి'.

ఈ ఎస్​బీఐ కార్డ్ ఉన్నతి ఆఫర్ కేవలం నాలుగేళ్లు మాత్రమే ఉంటుంది. క్రెడిట్​ కార్డు ఎటువంటి చార్జీలు చెల్లించాల్సిన అవసరం లేదు. ఆ తర్వాత నుంచి మాత్రం చార్జీలు పడతాయి. ఐదో సంవత్సరం నుంచి ఆ ఉన్నతి కార్డు వార్షిక రుసుము రూ.499గా ఉంది. మొదటి నాలుగేళ్లు వరకు జాయినింగ్ ఫీజు, వార్షిక చార్జీలు లేకుండానే ఉచితంగా ఆ కార్డును వినియోగించుకోవచ్చు. ఆ కార్డ్​పై వివిధ రకాల రివార్డ్ పాయింట్స్​, మైల్​స్టోన్ రివార్డ్స్, ఫ్యూయల్ సర్​ఛార్జ్ మినహయింపు వంటి ఫీచర్స్​ను అందిస్తుంది.

ఎస్​బీఐ కార్డ్ ఉన్నతి ఫీచర్లు
రివార్డ్ పాయింట్‌లు: రూ.100 ఖర్చు చేస్తే ఒక రివార్డ్ పాయింట్​ను అందిస్తోంది. అయితే ఈ క్రెడిట్ కార్డుపై క్యాష్ అడ్వాన్స్, బ్యాలెన్స్ ట్రాన్స్‌ఫర్, ఎన్‌క్యాష్, ఫ్లెక్సీ పే, ఫ్యూయల్ ట్రాన్స్​క్షన్స్ లాంటి వాటికి రివార్డ్ పాయింట్స్ ఉండవు.

మైల్​స్టోన్ రివార్డ్స్ : వార్షిక ఖర్చులను రూ.50 వేలు అంతకంటే ఎక్కువ చేస్తే 15 రోజుల లోపు రూ.500 క్యాష్​బ్యాక్​ లభిస్తుంది.

ఫ్యూయల్ సర్‌ఛార్జ్: కార్డ్ హోల్డర్స్ రూ.500 నుంచి రూ.3 వేల వరకు చేసే ప్రతి ఇంధన కొనుగోళ్లపై 1 శాతం మినహాయంపు ఇస్తోంది.

ఫిక్స్‌డ్ డిపాజిట్: ఎస్​బీఐ రూ.25,000 లేదా అంతకంటే ఎక్కువ ఫిక్స్​డ్​ డిపాజిట్ ఉన్న వారు ఈ కార్డ్​ను పొందవచ్చు.

ప్రపంచ వ్యాప్తంగా ఉపయోగించుకోవచ్చు : ఇండియాలోని 3,25,000, ప్రపంచవ్యాప్తంగా 24 మిలియన్లకు పైగా అవుట్‌లెట్స్​లో ఈ కార్డ్‌ని ఉపయోగించవచ్చు. వీసా లేదా మాస్టర్ కార్డ్‌ని ఆమోదించే ఏ అవుట్‌లెట్‌లోనైనా ఈ కార్డ్​ను వినియోగించుకోవచ్చు.

యాడ్-ఆన్ కార్డ్స్: ఈ క్రెడిట్ కార్డుపై మీ కుటుంబ సభ్యులకు యాడ్​ ఆన్ కార్డ్ సదుపాయం అందుబాటులో ఉంది.

ఈఎంఐ చెల్లింపులు : మీ మొత్తం ఖర్చులను ఈఎంఐలుగా మార్చుకోవచ్చు. దీని ద్వారా డబ్బును ఆదా చేసుకోవచ్చు.

ఫ్లెక్సీపే: మీ బిల్లును నెలవారీ వాయిదాల్లో మార్చుకోవచ్చు. ఆ కార్డును ఉపయోగించి రూ.2,500 లేదా అంతకంటే ఎక్కువ ధరకు ఏదైనా వస్తువును కొనుగోలు చేస్తే, 30 రోజులలోపు దాన్ని ప్లెక్సీ పే ద్వారా మార్చుకోవచ్చు.