Valentines Day Re Release Movies : ప్రస్తుతం టాలీవుడ్లో రీ రిలీజ్ మేనియా నడుస్తోంది. ఇంతకుముందు థియేటర్స్లో విడుదలైన మిక్స్డ్ టాక్ తెచ్చుకున్న కొన్ని సినిమాలు రీ రిలీజ్లో మంచి రెస్పాన్స్ను అందుకుంటున్నాయి. అలానే కలెక్షన్స్ కూడా బాగానే వసూలు చేస్తున్నాయి. అయితే ఈ ఏడాది ప్రేమికుల రోజు సందర్భంగా పలు చిత్రాలను రీ రిలీజ్ చేసందుకు మూవీ మేకర్స్ ప్లాన్ చేశారు. అవేంటంటే ?
ప్రేమ కథల్లో పవన్ కల్యాణ్ సినిమా 'తొలి ప్రేమ'కు ప్రత్యేక స్థానం ఉంది. 1998లో బ్లాక్బస్టర్ అందుకున్న ఈ సినిమాను లవర్స్ డే సందర్భంగా మరోసారి ప్రేక్షకుల ముందుకు తెచ్చేందుకు మేకర్స్ ప్లాన్ చేస్తున్నారు. దీంతో పాటు సిద్దార్థ్, బేబీ షామిలి జంటగా నటించిన 'ఓయ్' సినిమాను కూడా వాలెంటైన్స్ డే రోజు రీ రీలీజ్ చేసేందుకు ప్లాన్స్ చేస్తున్నారు.
ఇక కోలీవుడ్ స్టార్ హీరో సూర్య, గౌతమ్ వాసుదేవ్ మేనన్ కాంబోలో 2008లో వచ్చిన సినిమా 'సూర్య సన్నాఫ్ కృష్ణన్'. ఈ సినిమా గతేడాది ఆగస్టు 4న రీ రిలిజ్ అయ్యింది. అప్పుడు ఊహించని రెస్పాన్స్ అందుకుంది. అయితే ప్రేమికుల రోజు సందర్భంగా మరోసారి ఈ సినిమాను రీ రిలీజ్ చేస్తున్నారు.