RC 16 Shooting Update : 'గేమ్ ఛేంజర్' అంటూ సంక్రాంతి బరిలోకి దిగిన గ్లోబల్ స్టార్ రామ్ చరణ్ ఇప్పుడు మరో సాలిడ్ ప్రాజెక్ట్తో ప్రేక్షకులను పలకరించేందుకు సిద్ధమవుతున్నారు. 'ఆర్‌సీ 16' అనే వర్కింగ్ టైటిల్తో రానున్న సినిమాపై ఆయన ఫోకస్ పెట్టనున్నారు. 'ఉప్పెన' ఫేమ్ బుచ్చిబాబు సానా తెరకెక్కిస్తున్న పాన్‌ ఇండియా మూవీ షూటింగ్లో ఆయన పాల్గొననున్నారు.
ఇప్పటికే చిత్రీకరణ దశలో ఉన్న ఈ సినిమాకు సంబంధించిన కొత్త షెడ్యూల్ బుధవారం ప్రారంభం కానుంది. హైదరాబాద్‌లో ఇది జరగనుంది. రాత్రి వేళలో సాగే ఈ షెడ్యూల్‌లో చెర్రీతో పాటు మరికొందరు కీ స్టార్స్ పాల్గొననున్నారట. వారందరిపై సినిమాకు సంబంధించిన కీలక సన్నివేశాలు షూట్ చేయనున్నట్లు సమాచారం.
మరోవైపు ఈ నయా షెడ్యూల్ కోసం ఓ స్పెషల్ సెట్‌ను సిద్ధం చేసినట్లు సినీ వర్గాల మాట. స్పోర్ట్స్ నేపథ్యంలో సాగనున్న ఈ సినిమాలో బలమైన భావోద్వేగాలు ఉండనున్నాయని, ఇది పూర్తిగా ఉత్తరాంధ్ర బ్యాక్డ్రాప్లో సిద్ధం కానున్నట్లు తెలుస్తోంది. ఇప్పటికే ఈ సినిమా కోసం 'పెద్ది' అనే పేరును ఫిక్స్ చేసేందుకు మేకర్స్ ప్లాన్ చేస్తున్నారట.
ఇక ఈ సినిమాలో జాన్వీ కపూర్‌ ఫీమేల్ లీడ్గా మెరవనుండగా, జగపతిబాబు, శివ రాజ్‌కుమార్, దివ్యేందు లాంటి స్టార్స్ కీ రోల్స్ ప్లే చేస్తున్నారు. మ్యూజికల్ సెన్సేషన్ ఏఆర్ రెహమాన్ ఈ చిత్రానికి సంగీతం అందిస్తుండగా, స్టార్ సినిమాటోగ్రాఫర్ రత్నవేలు దీనికి ఛాయాగ్రాహక బాధ్యతలు వ్యవహరిస్తున్నారు. మైత్రీ మూవీ మేకర్స్, సుకుమార్‌ రైటింగ్స్‌ సంస్థలతో కలిసి వెంకట సతీశ్‌ కిలారు ఈ చిత్రాన్ని నిర్మిస్తున్నారు.
ఇక చెర్రీ రీసెంట్ మూవీ 'గేమ్ ఛేంజర్' బాక్సాఫీస్ వద్ద ఆశించిన స్థాయిలో టాక్ అందుకోలేకపోయింది. శంకర్ తెరకెక్కించిన ఈ చిత్రం భారీ అంచనాల మధ్య వచ్చినప్పటికీ మిక్స్డ్ టాక్తో సరిపెట్టుకుంది. డ్యూయెల్ రోల్లో చెర్రీ తనదైన శైలిలో నటించి మెప్పించినప్పటికీ, ఈ సినిమా తీవ్రంగా నిరాశపరిచిందని అభిమానులు అంటున్నారు. అయితే అప్పన్న క్యారెక్టర్కు మాత్రం వారందరూ బాగా కనెక్ట్ అయ్యారని కామెంట్ చేస్తున్నారు.
పోలీస్‌ బెల్టుతో నాన్న చితకబాదారు!: రామ్ చరణ్ - Chiranjeevi Ramcharan
