Unstoppable Season 4 :నందమూరి నటసింహం బాలకృష్ణ 'అన్స్టాపబుల్ విత్ ఎన్బీకే' టాక్ షో తో మరోసారి బుల్లితెరపై సందడి చేయడానికి సిద్ధమయ్యారు. ఇప్పటికే మూడు సీజన్లు సక్సెస్ఫుల్గా కంప్లీట్ చేసుకున్న ఈ టాక్ షో నాలుగో సీజన్కు రంగం సిద్ధమైంది. 2024 అక్టోబర్ 24 నుంచి బాలయ్య 'అన్స్టాపబుల్' సీజన్ 4 ప్రారంభం కానున్నట్లు తెలుస్తోంది. ప్రముక ఓటీటీ ప్లాట్ఫామ్ ఆహా వేదికగా ఈ షో ప్రసారం కానుంది. బుల్లితెరపై ప్రేక్షకులకు అన్లిమిటెడ్ ఎంటర్టైన్మెంట్ పంచడానికి బాలయ్య రెడీ అవుతున్నారు.
నిర్వాహకులు ఈ సీజన్ను గ్రాండ్గా ప్లాన్ చేశారట. గత సీజన్ల కంటే ఈసారి భిన్నంగా ఉంటుందని తెలిసింది. ఏది ఏమైనా బుల్లితెరపై బాలయ్య ఎనర్జీని చూసేందుకు ఫ్యాన్స్ కూడా ఉవ్విళ్లూరుతున్నారు. ఇక ప్రతీ సీజన్లాగే ఈసారి కూడా పలు ఇండస్ట్రీలకు చెందిన నటీనటులు గెస్ట్లుగా రానున్నారు. మాలీవుడ్ స్టార్ హీరో దుల్కర్ సల్మాన్ ఈ సీజన్కు తొలి గెస్ట్గా రానున్నట్లు తెలుస్తోంది. ఈ ఎపిసోడ్కు సంబంధించి షూట్ కూడా కంప్లీట్ అయినట్లు టాక్. ఈ సీజన్లో దుల్కర్తోపాటు మరికొంత మంది బడా స్టార్ల బాలయ్య 'అన్స్టాపబుల్' షో లో సందడి చేయనున్నట్లు సమాచారం. కాగా, అన్స్టాపబుల్ టాక్ షో ఇప్పటికే మూడు సీజన్లు పూర్తి చేసుకుంది. గతంలో ఈ ప్రోగ్రామ్కు టాలీవుడ్, బాలీవుడ్ సహా పలు ఇండస్ట్రీల నుంచి బడా స్టార్లు గెస్ట్లుగా వచ్చి సందడి చేశారు. మహేశ్ బాబు, పవన్ కల్యాణ్, ప్రభాస్, రవితేజ, విశ్వక్ సేన్, అడివి శేష్, సిద్ద జొన్నలగడ్డ తదితరులు పాల్గొన్నారు.