SSMB 29 Bollywood Actors : సూపర్ స్టార్ మహేశ్ బాబు- రాజమౌళి దర్శకత్వంలో యాక్షన్‌ అడ్వెంచర్‌ మూవీ తెరకెక్కుతోంది. 'SSMB29' వర్కింగ్ టైటిల్తో ఈ మూవీ రూపొందుతోంది. రీసెంట్గా మహేశ్ పాస్‌ పోర్ట్‌ స్వాధీనం చేసుకున్నట్లు అర్థం వచ్చేలా, రాజమౌళి వీడియో షేర్ చేశారు. దీంతో సినిమా షూటింగ్ కూడా ప్రారంభమైనట్లు తెలుస్తోంది. కాగా, ఈ సినిమాలో గ్లోబల్ బ్యూటీ ప్రియాంక చోప్రా కీలక పాత్ర పోషిస్తున్నట్లు సమాచారం. అలాగే ఈ ప్రాజెక్టులో మరో బాలీవుడ్ స్టార్ భాగం కానున్నట్లు ఫిల్మ్ వర్గాల్లో టాక్ నడుస్తోంది.
ఈ సినిమాలో మలయాళ నటుడు పృథ్వీరాజ్ సుకుమారన్ నటించబోతున్నారని ఇటీవల వార్తలు వచ్చాయి. పృథ్వీతో మూవీ టీమ్ చర్చలు కూడా జరిపిందని, ఆయన ఓకే కూడా చెప్పినట్టు కథనాలు వెలువడ్డాయి. అయితే పృథ్వీ ఇప్పుడు ఈ ప్రాజెక్టులో లేరని ప్రచారం సాగుతోంది. పృథ్వీరాజ్ స్థానంలో బాలీవుడ్ నటుడు జాన్ అబ్రహాంను తీసుకున్నట్లు సినీ వర్గాల టాక్. త్వరలోనే ఆయన షూటింగ్లో పాల్గొననున్నారని సమాచారం.
సుకుమారన్ రియాక్షన్
ఈ చిత్రంలో తాను భాగం కావడంపై మలయాళ నటుడు పృథ్వీరాజ్ సుకుమారన్ ఇటీవల ఓ ఇంటర్వ్యూలో స్పందించారు. 'ఈ సినిమా గురించి నాకంటే ఇతరులకే ఎక్కువ తెలిసినట్లుంది. ఇంకా నా పాత్ర ఏంటనేది కన్ఫార్మ్ కాలేదు. చాలా చర్చించాల్సి ఉంది. కాబట్టి అంతా సవ్యంగా జరిగిన తర్వాత చూద్దాం' అని వ్యాఖ్యానించారు.
మొదటి సినిమా!
మహేశ్- జక్కన్న కాంబోలో తెరకెక్కుతున్న సినిమాలో జాన్ అబ్రహాం కనిపిస్తే ఇదే ఆయనకు ఇదే తెలుగు చిత్రం అవుతుంది. జాన్ అబ్రహం, ప్రియాంక చోప్రా గతంలో 'కరమ్', 'బ్లాక్‌ బస్టర్', 'దోస్తానా' వంటి చిత్రాలలో స్క్రీన్‌ షేర్ చేసుకున్నారు.
బాలీవుడ్ నటి ప్రియాంక చోప్రా ఇందులో భాగం కానున్నట్లు కొన్ని రోజులుగా ప్రచారం సాగుతోంది. దానికి తగ్గట్లుగా ఆమె ఇటీవలే హైదరాబాద్లో పలుచోట్లను సందర్శించారు. దీంతో ప్రియాంక ఈ ప్రాజెక్ట్‌ కోసమే హైదరాబాద్ వచ్చారని కథనాలు వెలువడ్డాయి. అలాగే రాజమౌళి పెట్టిన వీడియోకు ప్రియాంక కామెంట్ పెట్టడం వల్ల ఆ వార్తలకు మరింత బలం చేకూరింది. మరోవైపు, రీసెంట్గా ప్రియాంకకు లుక్‌ టెస్ట్‌ కూడా పూర్తయినట్లు సినీ వర్గాల సమాచారం. ఈ విషయంపై మూవీ టీమ్ ఇంకా అధికారికంగా ప్రకటించలేదు.
లాస్‌ ఏంజెలెస్‌ టు హైదరాబాద్ జర్నీ - ప్రియాంక వచ్చింది మహేశ్ కోసమేనా?
