This week Releases OTT : వేసవి సెలవులు మొదలయ్యాయి ఎండలు మండిపోతున్నాయి. ఈ మండుటెండలో చల్లని ఎంటర్టైన్మెంట్ ఇచ్చేందుకు ఈ వారం థియేటర్/ఓటిటిలో 16 సినిమాలు సిద్ధంగా ఉన్నాయి. అయితే ప్రేక్షకులు మాత్రం క్రేజీగా ఎదురుచూస్తున్నది పదేళ్ల గ్యాప్తో థియేటర్లో విడుదల అవుతున్న గీతాంజలి మళ్లీ వచ్చిందితో పాటు ఓటిటిలో విడుదల కాబోతున్న మలయాళ బ్లాక్ బస్టర్ ప్రేమలు తెలుగు వెర్షన్, విశ్వక్ సేన్ నటించిన గామి.
- గీతాంజలి మళ్లీ వచ్చింది: అంజలి ప్రధాన పాత్రలో నటించిన గీతాంజలి మళ్లీ వచ్చింది పదేళ్ల క్రితం వచ్చిన గీతాంజలి సినిమాకి సిక్వెల్ ఆ సినిమాలో నటించిన శ్రీనివాసరెడ్డి, సత్యం రాజేష్, షకలక శంకర్, సత్య తదితరులు ఈ సినిమాలో కూడా కనిపించనున్నారు. ఏప్రిల్ 11న థియేటర్లలో ఈ సినిమా విడుదల కానుంది.
- బడేమియా చోటేమియా: అక్షయ్ కుమార్, టైగర్ ష్రాఫ్ ఈ వేసవికి డబుల్ యాక్షన్ ఎంటర్టైన్మెంట్ ఇవ్వడానికి థియేటర్లలోకి ఏప్రిల్ 10న రానున్నారు. రంజాన్ సందర్భంగా విడుదల కానున్న ఈ సినిమాలో మానుషి చిల్లర్, జాన్వీ కపూర్, పృథ్వీరాజ్ సుకుమారన్ ముఖ్య పాత్రలలో నటించనున్నారు.
- మైదాన్: అజయ్ దేవగణ్, ప్రియమణి ప్రధాన పాత్రలలో నటించిన మైదాన్ సినిమా ఏప్రిల్ 10న థియేటర్లలో విడుదల కానుంది. నిజ జీవిత గాథ ఆధారంగా తెరకెక్కుతున్న ఈ చిత్రంలో అజయ్ ఫూట్ బాల్ కోచ్ సయ్యద్ అబ్దుల్ రహీంగా కనిపించనున్నాడు.
- లవ్ గురు: ఆంటోనీ, మృణాళిని రవి జంటగా నటిస్తున్న లవ్ గురు సినిమా ఏప్రిల్ 11న థియేటర్ రిలీజ్ కు సిద్ధంగా ఉంది.
- డియర్:జీవి ప్రకాష్ కుమార్, ఐశ్వర్య జంటగా నటిస్తున్న డియర్ సినిమా తమిళ్ వెర్షన్ ఏప్రిల్ 11న తెలుగు వెర్షన్ 12న రీలీజ్ కానుంది. గురక పెట్టే భార్యగా ఐశ్వర్య ఈ సినిమాలో నటించింది.