THIS MONTH OTT TOP 5 MOVIES :మరో మూడు రోజుల్లో ఈ నెల అయిపోతుంది. కొత్త నెల మొదలవుతుంది. దీంతో సరికొత్త సినిమా, సిరీస్లు స్ట్రీమింగ్కు రెడీ అవుతున్నాయి. అయితే ఈ జులై నెలలోనూ పలు ఓటీటీ ప్లాట్‍ఫామ్‍లలో చాలా సినిమాలు, సిరీస్లే వచ్చాయి. అందులో కొన్ని ప్రేక్షకులను విపరీతంగా ఆకట్టుకున్నాయి. రికార్డ్ వ్యూస్తో మంచి రెస్పాన్స్ అందుకున్నాయి. మరి ఇంతకీ మీరు ఆ సినిమాలు చూశారా? లేదా? లేదంటే ఈ జులై నెలలో ఓటీటీల్లో స్ట్రీమింగ్ అయిన టాప్ - 5 సినిమాలు ఏంటో ఇక్కడ తెలుసుకుని మీ ఫ్రీ టైమ్లో ఎంచక్కా చూసేయండి.
ఆడుజీవితం -మలయాళ స్టార్ పృథ్విరాజన్ సుకుమారన్ ప్రధాన పాత్రలో నటించిన సినిమా ఆడుజీవితం - ది గోట్‍లైఫ్. ఈ సర్వైవల్ డ్రామాకు అదిరే రెస్పాన్స్ వచ్చింది. థియేటర్లలోనూ మంచి సక్సెస్ సాధించింది. రూ.150కోట్లకు పైగా వసూళ్లను సాధించింది. ఇందులో పృథ్విరాజ్ లుక్, నటనకు ప్రతిఒక్కరూ ఫిదా అయిపోయారు. బ్లెస్సీ దర్శకత్వం వహించారు.
మహారాజ -విజయ్ సేతుపతి నటించిన 50వ సినిమా మహారాజ థియేటర్లలో విడుదలై భారీ సక్సెస్ సాధించింది. రూ.100 కోట్ల వసూళ్లను సాధించింది. రివేంజ్ యాక్షన్ డ్రామాగా వచ్చిన ఈ చిత్రం ఓటీటీలోనూ వచ్చి ప్రేక్షకాదరణ పొందింది. తమిళంతో పాటు తెలుగు, హిందీ, కన్నడ, మలయాళం భాషల్లో నెట్‍ఫ్లిక్స్లో అందుబాటులో ఉంది. నిథిలన్ స్వామినాథన్ దర్శకత్వం వహించారు.
మ్యూజిక్‍షాప్ మూర్తి -ఎమోషనల్ డ్రామా మ్యూజిక్‍షాప్ మూర్తి ఈటీవీ విన్ ఓటీటీలో విడుదలై ఆకట్టుకుంటోంది. అమెజాన్ ప్రైమ్లోనూ మంచి రెస్పాన్స్ను అందుకుంటోంది. అజయ్ ఘోష్, హీరోయిన్ చాందినీ చౌదరి కలిసి నటించారు. దీనికి శివ పాలడుగు దర్శకత్వం వహించారు.