Kanguva Twitter Review :కోలీవుడ్ స్టార్ హీరో సూర్య లీడ్ రోల్లో తెరకెక్కిన సినిమా 'కంగువా'. శివ దర్శకత్వంలో ఇది పాన్ఇండియా లెవెల్లో తెరకెక్కింది. బాలీవుడ్ బ్యూటీ దిశా పటానీ హీరోయిన్గా నటించింది. గురువారం (నవంబర్ 14) వరల్డ్వైడ్గా ఈ సినిమా థియేటర్లలో రిలీజైంది. గురువారం ఉదయాన్నే పలు థియేటర్లలో ప్రీమియర్ షోలు పడ్డాయి.
చాలా రోజుల తర్వాత సూర్య నుంచి వచ్చిన సినిమా కావడం వల్ల ప్రేక్షకుల్లో భారీ అంచనాలు నెలకొన్నాయి. పాన్ఇండియా మూవీ కావడం వల్ల తెలుగు, తమిళం, హిందీ సహా పలు భాషల్లో సూర్య స్వయంగా ప్రమోషన్స్లో పాల్గొన్నారు. మరి ఈ చిత్రం ప్రేక్షకుల్ని మెప్పించిందా? కొత్త కాన్సెప్ట్తో డైరెక్టర్ శివ సక్సెస్ అయ్యారా? ట్విట్టర్లో టాక్ ఎలా ఉంది. తెలుసుకుందాం!
సూర్య 'కంగువా'కు పాజిటివ్ టాక్ వినిపిస్తోంది. వీఎఫ్ఎక్స్, గ్రాఫిక్స్ హై లెవెల్లో ఉన్నాయని అంటున్నారు. సూర్య ఇంట్రడక్షన్ బాగుందట. ఫస్ట్ సాంగ్ ఫ్యాన్స్కు ఫీస్ట్గా ఉంటుదని కామెంట్ చేస్తున్నారు. హీరో నటన సినిమాకు ప్లస్ పాయింట్ అని టాక్ వినిపిస్తోంది. దేవీశ్రీ ప్రసాద్ మ్యూజిక్ అదిరిపోయిందని అంటున్నారు. శివ కొత్త కాన్సెప్ట్తో ఆడియెన్స్కు మంచి ఎక్స్పీరియన్స్ ఇచ్చారట.
కానీ, కథలో సస్పెన్స్ కరవైంది. తర్వాత ఏం జరుగుతుందో ముందే ఊహించేస్తాం అంటున్నారు. హీరో, విలన్ మధ్య అనవరసర సీన్స్ కూడా ఎక్కువయ్యాయని టాక్. అయితే ప్రీమియర్స్ తర్వాత సోషల్ మీడియాలో మిక్స్డ్ టాక్ వినిపిస్తోంది. మార్నింగ్ షో తర్వాత పర్ఫెక్ట్ రివ్యూ తెలిసిపోతుంది.