Allu arjun Pushpa 2 Trailer Release Date : ఐకాన్ స్టార్ అల్లు అర్జున్ హీరోగా దర్శకుడు సుకుమార్‌ తెరకెక్కిస్తోన్న యాక్షన్ థ్రిల్లర్‌ పుష్ప 2 : ది రూల్‌. నేషనల్ క్రష్ రష్మిక హీరోయిన్గా నటిస్తోంది. ఇప్పటికే షూటింగ్ పూర్తి చేసుకున్న ఈ చిత్రం డిసెంబరు 5న పాన్ ఇండియా స్థాయిలో గ్రాండ్గా విడుదల కానుంది. దీంతో సినిమా విడుదలకు సమయం దగ్గర పడడంతో చిత్ర బృందం ప్రచార కార్యక్రమాలను ముమ్మరం చేసింది. ఇందులో భాగంగా తాజాగా ట్రైలర్ విడుదల తేదీని అఫీషియల్గా ప్రకటించింది మూవీ టీమ్. నవంబర్ 17న సాయంత్రం 6.03 గంటలకు రిలీజ్ చేయనున్నట్లు తెలిపింది. పట్నాలో భారీ ఈవెంట్ను నిర్వహించి విడుదల చేయనున్నట్లు చెప్పింది. అలానే ఓ స్పెషల్ పోస్టర్ను కూడా విడుదల చేసింది. ఈ పోస్టర్లో అల్లు అర్జున్ పవర్ ఫుల్ యాక్షన్ అండ్ మాస్ లుక్లో గన్ను భూజాన వేసుకుని సీరియస్గా కనిపించి ఆకట్టుకున్నారు.
కాగా, 'పుష్ప అంటే ఫ్లవర్‌ అనుకుంటివా ఫైరు' అంటూ వచ్చిన పుష్ప1 ట్రైలర్ అప్పట్లో ఎంతటి ట్రెండ్‌ సృష్టించిందో అందరికీ తెలిసిందే. ఇప్పుడు అంతకు మించిన స్థాయిలో ట్రైలర్ కట్‌ను సిద్ధం చేస్తున్నట్లు తెలుస్తోంది.
Pushpa 2 Special Song :ఇకపోతే ట్రైలర్ మాత్రమే కాదు, ఆ వెంటనే స్పెషల్ సాంగ్ లిరికల్‌ వీడియోను కూడా విడుదల చేయాలని మూవీ టీమ్ భావిస్తోందట. సుకుమార్‌ - దేవి శ్రీ కాంబినేషన్‌లో స్పెషల్ సాంగ్స్ అంటేనే ఎవర్‌ గ్రీన్‌. పుష్పలో కూడా 'ఊ అంటావా మావ' సాంగ్ కూడా ఓ ఊపు ఊపేసింది. ఇప్పుడు పుష్ప 2 కోసం దానిని మించేలా స్పెషల్ సాంగ్‌ను సిద్ధం చేస్తున్నారు. హీరోయిన్ శ్రీలీల ఇందులో ఆడిపాడనున్నట్లు తెలుస్తోంది.