Pushpa 2 Shooting Update : 'పుష్ప 2' పూర్తి చేయడమే లక్ష్యంగా ఐకాన్ స్టార్ అల్లు అర్జున్ మరోసారి రంగంలోకి దిగబోతున్నారని తెలిసింది. కొత్త షెడ్యూల్ ప్రారంభించబోతున్నట్లు సమాచారం అందింది. దర్శకుడు సుకుమార్ ఈ చిత్రాన్ని తెరకెక్కిస్తున్నారు. మొదటి భాగం భారీ బ్లాక్ బస్టర్ హిట్ అవ్వడంతో రెండో భాగంపై అందరికీ అంతకు మించి అంచనాలు పెరిగిపోయాయి.
దీంతో పుష్ప మేకర్స్ కూడా ఎంతో జాగ్రత్తగా సినిమాను షూట్ చేస్తూ తెరకెక్కిస్తున్నారు. మంచి అవుట్ పుట్ కోసం చాలా వరకు సన్నివేశాలను రీషూట్ చేస్తూ శ్రమిస్తున్నారు. ఈ విషయాన్ని దర్శకుడు సుకుమార్ కూడా స్వయంగా ఆ మధ్య చెప్పారు.
ఈ చిత్రాన్ని డిసెంబర్ 6న కచ్చితంగా విడుదల చేస్తామని మేకర్స్ కూడా పలు సార్లు కౌంట్ డౌన్ పోస్టర్లను విడుదల చేశారు. ప్రస్తుతం చిత్రీకరణ చివరి దశలో ఉంది. మేకర్స్ కూడా త్వరలోనే గుమ్మడికాయ కొట్టేందుకు సిద్ధంగా ఉన్నారు. అయితే గత కొద్ది రోజులుగా ఓ షెడ్యూల్ షూటింగ్ మాత్రమే మిగిలి ఉందని వార్తలు వచ్చాయి.
అయితే తాజాగా అందించిన సమాచారం ప్రకారం ఆ కొత్త షెడ్యూల్ ప్రారంభమైనట్లు తెలిసింది. ప్రస్తుతం క్లైమాక్స్ షూట్ చేస్తున్నారట. ఇది పది రోజుల పాటు ఉండనుందట. వాస్తవానికి ఇప్పటికే మేకర్స్ క్లైమాక్స్ కోసం రెండు వెర్షన్లను షూట్ చేశారట. ఇప్పుడు మూడో వెర్షన్ను చిత్రీకరిస్తున్నట్లు సినీ వర్గాలు అంటున్నాయి. మొత్తంగా మరో పది రోజుల్లో మొత్తం షూటింగ్ను ముగించనున్నారని వినికిడి. ఇందుకోసం అల్లు అర్జున్, సుకుమార్ ఫుల్ ఎనర్జిటిక్గా, క్రియేటివ్గా పని చేస్తున్నట్లు టాక్ వినిపిస్తోంది.
Pushpa 2 Fahadh Faasil :కాగా, ఫుష్ప 2 సినిమా విషయానికొస్తే - చిత్రంలో నేషనల్ క్రష్ రష్మిక శ్రీవల్లి 2.0గా కనిపించనున్న సంగతి తెలిసిందే. కమెడియన్ సునీల్, అనసూయ సహా పలువురు నటులు కీలక పాత్రలు పోషిస్తున్నారు. మలయాళ స్టార్ ఫహాద్ ఫాజిల్ విలన్ పాత్ర పోషిస్తున్నారు. రాక్ స్టార్ దేవిశ్రీ ప్రసాద్ సంగీతం అందిస్తున్నారు. మైత్రీ మూవీ మేకర్స్ బ్యానర్పై రూపొందుతోంది. దాదాపు రూ.500 కోట్ల బడ్జెట్ అని ఆ మధ్య జోరుగా ప్రచారం సాగింది. ఇప్పటికే విడుదలైన ప్రమోషనల్ కంటెంట్ ఆడియెన్స్ను విపరీతంగా ఆకట్టుకుంది. చూడాలి మరి ఈ చిత్రం ఎలాంటి రిజల్ట్ను అందుకుంటుందో.
'భారతీయుడు' టీమ్ షాకింగ్ డెసిషన్! - నిజంగానే అలా చేస్తుందా? - Bharateeyudu 3 OTT
'Swag', 'రాజ రాజ చోర'కు లింక్?!- హీరో శ్రీవిష్ణు ఏమన్నారంటే? - Sree Vishnu Swag Movie
