SSMB29 Movie Shooting Start Date : ఇటు సూపర్స్టార్ మహేశ్ బాబు ఫ్యాన్స్తో పాటు సాధారణ ప్రేక్షకులు ఎప్పుడెప్పుడా అని ఎదురుచూస్తున్న 'SSMB29' మూవీ షూటింగ్కు సంబంధించి కీలక అప్డేట్ వచ్చింది. దర్శకధీరుడు ఎస్.ఎస్ రాజమౌళి దర్శకత్వంలో తెరకెక్కనున్న ఈ సినిమా షూటింగ్ను ఏప్రిల్ 9న ఉగాది సందర్భంగా మొదలుపెట్టేందుకు సన్నాహాలు జరుగుతున్నాయట. పూజా కార్యక్రమాలతో మూవీని గ్రాండ్గా లాంఛ్ చేయబోతున్నారట. ఇదే రోజు ప్రాజెక్టుకు సంబంధించి మరో అప్డేట్ కూడా ఇవ్వనున్నట్లు తెలుస్తోంది. ఇందుకు సంబంధించిన వార్తలు తెగ చక్కర్లు కొడుతున్నాయి. ఇది తెలుసుకుంటున్న మహేశ్ అభిమానులు ఫుల్ ఖుషీ అవుతున్నారు.
సినిమా కోసం 2 సంవత్సరాలు
భారీ యాక్షన్ అడ్వెంచరస్ థ్రిల్లర్గా పేర్కొంటున్న ఈ సినిమా ఆఫ్రికన్ అడవుల నేపథ్యంలో సాగునుందని సమాచారం. ఎక్కువ భాగం షూటింగ్ అడవుల్లోనే జరగనుందట. ఈ మూవీతో రాజమౌళి ఇంటర్నేషనల్ మార్కెట్ను టార్గెట్ చేస్తున్నారనే గాసిప్స్ కూడా జోరందుకున్నాయి. ఇక ఈ ప్రాజెక్ట్ కోసం మహేశ్ ఏకంగా 2 సంవత్సరాలను కేటాయించనున్నట్లు తెలిసింది.
ఈ సినిమాకు సంబంధించిన స్క్రిప్ట్ వర్క్స్ కూడా పూర్తైనట్లు రీసెంట్గా రచయిత విజయేంద్రప్రసాద్ ఓ ఇంటర్వ్యూలో చెప్పారు. అలాగే ఈ సినిమా కథాంశం ఇండియానా జోన్స్ సిరీస్ని పోలి ఉంటుందని పేర్కొన్నారు. 'రైటర్స్ ఆఫ్ ది లాస్ట్ ఆర్క్ (1981)' తరహాలో అనేక ఎమోషన్స్తో ఈ చిత్రం ఉండనుందని, హాలీవుడ్కు చెందిన పలువురు నటీనటులు కూడా ఈ ప్రాజెక్ట్లో భాగం కానున్నట్లు ఆయన వెల్లడించారు. ఈ సినిమా కోసం సుమారు రూ.1000 కోట్ల బడ్జెట్ను ఖర్చు చేయనున్నట్లు సమాచారం. హాలీవుడ్కు చెందిన ఓ ప్రముఖ సంస్థతో కలిసి ఈ మూవీని నిర్మించనున్నారట.