మహేశ్​ కుమార్తె మంచి మనసు - అనాథలతో 'గుంటూరు కారం' చూసిన సితార

Sitara Guntur Kaaram : సూపర్ స్టార్ మహేశ్​ బాబు గారాల పట్టి సితార మరోసారి తన మంచి మనసును చాటుకుంది. అనాథ పిల్లలకు ఏర్పాటు చేసిన 'గుంటూరు కారం' స్పెషల్​ స్క్రీనింగ్స్​లో వారితో కలిసి సినిమా చూసింది.

Sitara Guntur Kaaram :టాలీవుడ్​ స్టార్ హీరో మహేశ్​ బాబు గారాల పట్టి సితార మరోసారి తన మంచి మనసును చాటుకుంది. పలువురు అనాథ పిల్లలతో కలిసి సితార 'గుంటూరు కారం' సినిమా చూసింది. వారి కోసం ఏర్పాటు చేసిన స్పెషల్ స్క్రీనింగ్​లో ఆ చిన్నారులతో కలిసి సందడి చేసింది. ఆ తర్వాత వారితో సరదాగా ముచ్చటించింది. ప్రస్తుతం దీనికి సంబంధించిన ఫొటోలు నెట్టింట ట్రెండ్ అవుతున్నాయి. ఇవి చూసిన ఆడియెన్స్ సితార మంచి మనసుకు ఫిదా అవుతున్నారు. తను చేసిన ఈ మంచి పనికి ప్రశంసల జల్లును కురిపిస్తున్నారు.

అప్పుడు కూడా ఇలానే
Sitara Donations : అయితే సితార కూడా తన తండ్రిలా గతంలో ఎన్నో సేవా కార్యక్రమాలు చేసింది. ఇటీవలే తన పుట్టిన రోజు సందర్భంగా పలువురు విద్యార్థులను ఇంటికి పిలిచి వారి సమక్షంలో కేక్​ కట్​ చేసింది. అంతే కాకుండా ఆ స్టూడెంట్స్​కు సైకిళ్లు అందజేసింది. ఇక తాను చేసిన ఓ జ్యూయెలరీ యాడ్​కు వచ్చిన రెమ్యూనరేషన్​ను కూడా సేవా కార్యక్రమాలను వినియోగించనున్నట్లు ప్రకటించింది. మరోసారి తన తండ్రి ఫౌండేషన్​కు తన నెల పాకెట్​ మనీ ఇచ్చి తన దాతృత్వాన్ని చాటుకుంది. ఇలా సమయం వచ్చినప్పుడల్లా తనవంతు సహాయాన్ని అందిస్తూ తండ్రికి తగ్గ తనయ అనిపించుకుంటోంది సితార.

Sitara Guntur Kaaram Dance : సూపర్ స్టార్ మహేశ్ బాబు - నమ్రత గారాలపట్టి అయిన సితార సినిమాల్లోకి రానప్పటికీ ఈ చిన్నారికి నెట్టింట సూపర్​ ఫాలోయింగ్ ఉంది. స్టార్​ డాటరే అయినప్పటికీ చాలా సింపుల్​గా ఉంటూ తనకున్న టాలెంట్​, స్పెషల్ స్కిల్స్​తో అతి చిన్న వయసులోనే స్టార్‌డమ్‌ను సొంతం చేసుకుంది. ఇప్పటికే కూచిపూడి డ్యాన్సర్‌గా, సోషల్‌ మీడియా స్టార్‌గా మస్త్​ పాపులారిటీ సంపాదించుకున్న సితార తన ఫోటోలు, డ్యాన్స్​ రీల్స్​తో ఆడియెన్స్​ను తెగ ఆకట్టుకుంటుంది. తాజాగా గుంటూరు కారంలో 'ఓ మై బేబీ' సాంగ్​కు సూపర్ స్టెప్పులేసింది. ప్రస్తుతం ఈ వీడియో నెట్టింట వైరల్ అవుతోంది.