LIVE : అల్లు అర్జున్​ మీడియా సమావేశం

Allu Arjun Press Meet Live : డిసెంబరు 4వ తేదీ రాత్రి 9.30 గంటలకు పుష్ప-2 బెనిఫిట్​ షో సందర్భంగా ఆర్టీసీ క్రాస్​ రోడ్డులోని సంధ్య థియేటర్​ వద్ద తొక్కిసలాట జరిగిన విషయం అందరికీ తెలిసిందే. ఈ ఘటనపై కుటుంబ సభ్యులు ఇచ్చిన ఫిర్యాదు మేరకు సంధ్య థియేటర్​ యాజమాన్యానికి సంబంధించిన వ్యక్తులను అరెస్టు చేశారు. అదే రోజు హైకోర్టులో అత్యవసర పిటిషన్​ దాఖలు చేసి బెయిల్​ తెచ్చుకున్నారు. ఇవాళ శాసనసభలో సీఎం రేవంత్​ రెడ్డి సంధ్య థియేటర్​ ఘటనపై వివరణ ఇచ్చారు. సినిమా రిలీజ్ రోజు పోలీసులు వద్దని చెప్పినా వినకుండా అల్లు అర్జున్ థియేటర్​కు బెనిఫిట్ షో చూసేందుకు వచ్చారని ముఖ్యమంత్రి తెలిపారు. అప్పటికే అభిమానుల సంఖ్య అధికంగా ఉండటంతో పోలీసులు ఎలాంటి ర్యాలీ వద్దని చెప్పినా వినలేదని సీఎం ప్రకటించారు. అల్లు అర్జున్ చర్యలే తొక్కిసలాటకు కారణమయ్యాయని సీఎం చెప్పారు. ముఖ్యమంత్రి ప్రకటనపై  అల్లు అర్జున్​ స్పందిస్తున్నారు. లైవ్​లో చూద్దాం