Sitara Ghattamaneni Birthday Party : టాలీవుడ్ సూపర్స్టార్ మహేశ్ బాబు గారాల పట్టి సితార బర్త్డే నిన్న (జులై 20) గ్రాండ్గా జరిగింది. తనముందు ఉన్న పెద్ద కేక్ను చూసి ఎగ్జైట్ అవుతున్న సితార ఫొటోను తన తల్లి నమ్రత శిరోద్కర్ సోషల్ మీడియా వేదికగా షేర్ చేశారు.
"నా అందాల కూతురికి పుట్టిన రోజు శుభాకాంక్షలు. నువ్వు క‌నే క‌ల‌లన్నీ నిజం కావాలని కోరుకుంటున్నారు. నీ మ‌న‌సు బంగారం త‌ల్లీ." అంటూ ఓ స్వీట్ క్యాఫ్షన్ను జోడించారు. ప్రస్తుతం ఈ పోస్ట్ సోషల్ మీడియాలో తెగ ట్రెండ్ అవుతోంది. ఫ్యాన్స్ కూడా సితారకు బర్త్డే విషెస్ తెలుపుతూ నెట్టింట సందడి చేశారు.
అంతకు ముందు మహేశ్ బాబు సోషల్ మీడియా వేదికగా సిచార విష్ చేశారు. సితార లేటెస్ట్ ఫొటో షేర్ చేసి 'హ్యాపీ 12 మై సన్‌షైన్‌' అని పేర్కొన్నారు. నమ్రత శిరోద్కర్ కూడా ఇన్‌స్టా వేదికగా ఓ స్పెషల్ వీడియోను షేర్ చేశారు. సితార చిన్నప్పటి ఫొటోలతో పాటు కొన్ని స్పెషల్ వీడియోలతో ఆ వీడియోను ఎంతో క్రియేటివ్గా ఎడిట్ చేశారు.
"నా చిట్టి ట్రావెల్ పార్ట్నర్కి జన్మదిన శుభాకాంక్షలు. వివిధ దేశాలు, లెక్కలేనన్ని జ్ఞాపకాలు నువ్వు ఎప్పుడూ నాకు ఓ ట్రావెల్ గైడ్‌లా ఉంటూ ప్రతి ప్రయాణాన్ని ప్రత్యేకం చేశావు. ఈ క్షణాలు, జ్ఞాపకాలను నేను సెలబ్రేట్‌ చేసుకుంటున్నా. ఐ లవ్‌ యూ మై స్వీట్‌హార్ట్‌" అని నమ్రత తన కుమార్తె కోసం ఓ క్యాప్షన్‌ రాసుకొచ్చారు.
ఇక సితార విషయానికి వస్తే, మహేశ్ బాబు గారాలపట్టి అయిన ఈ చిన్నారి తరచూ సేవా కార్యక్రమాల్లో పాల్గొంటుంటుంది. ఇటీవల ఓ నగల దుకాణానికి బ్రాండ్‌ అంబాసిడర్‌గా వ్యవహరించగా, ఆ యాడ్ ద్వారా తనకు వచ్చిన పారితోషకాన్ని సామాజిక సేవల కోసం ఉపయోగించింది. సోషల్ మీడియాలో యాక్టివ్గా ఉంటూ డ్యాన్స్ రీల్స్ అలాగే స్పెషల్ ఫొటోస్ను షేర్ చేస్తుంటుంది. ఈ క్రమంలోనే డ్యాన్స్‌లోనూ శిక్షణ కూడా తీసుకుంటోంది. మహేశ్ బాబు నటించిన సూపర్ హిట్ మూవీ 'సర్కారు వారి పాట' సినిమాలో పైసా అంటూ సాగే సాంగ్ ద్వారా స్క్రీన్పై మెరిసింది. అందులో తన ఎనర్జిటిక్ స్టెప్పులకుగానూ ప్రశంసలు అందుకుంది.
సితార ఫేవరెట్ హీరోయిన్ ఎవరో తెలిస్తే షాకే- మహేశ్, నమ్రత అస్సలు స్ట్రిక్ట్ కారట! - Sitara Ghattamaneni Favourites
Sitara birthday: సి'తార' దిగివచ్చిన వేళ..! మహేశ్బాబు కూతురు సితార పుట్టిన రోజున ఏం చేసిందో తెలుసా..!
