Sharukh Khan Yash Movie : గతేడాది పఠాన్, జవాన్, డంకీ అంటూ వరుస సినిమాలతో హ్యాట్రిక్ బ్లాక్ బాస్టర్ హిట్ అందుకుని మళ్లీ సక్కెస్ ట్రాక్ ఎక్కారు బాలీవుడ్ సూపర్ స్టార్ షారుక్ ఖాన్. అలాగే ఇకపై గ్యాప్ లేకుండా సినిమాలు చేస్తానని అభిమానులకు మాట కూడా ఇచ్చారు. దీంతో బాద్ షా ఈ ఎలాంటి ఎలాంటి కథలతో తెరపై సందడి చేస్తారా అని ఆయన అభిమానులు ఎంతో ఆసక్తిగా ఎదురుచూస్తున్నారు. అయితే ఇప్పటి వరకైతే తన నుంచి రాబోయే ప్రాజెక్టుల గురించి ఎలాంటి సమాచారం అందలేదు.
తాజాగా మాత్రం ఓ న్యూస్ చక్కర్లు కొడుతోంది. ఆయన కన్నడ రాకింగ్ స్టార్ యశ్ నటిస్తున్న 'టాక్సిక్' చిత్రంలో గెస్ట్ రోల్ పోషించనున్నట్లు సమాచారం అందింది. ఈ చిత్రాన్ని గీతూ మోహన్ దాస్‌ గ్రాండ్గా తెరకెక్కిస్తున్నారు. 'గ్యాంగ్‌స్టర్‌ డ్రామాగా రూపొందుతున్న ఈ సినిమాలో గెస్ట్ రోల్ కోసం షారుక్‌తో చర్చలు జరుపుతున్నారు గీతూ మోహన్. ఇందులో ఆయనది ఓ పవర్ ఫుల్ రోల్. దీన్ని షారుక్ మాత్రమే చేయగలరని చిత్రబృందం గట్టిగా నమ్ముతోంది. త్వరలో దీని గురించి అఫీషియల్గా అనౌన్స్ చేస్తాం" అని సన్నిహిత వర్గాలు తెలిపాయి. కాగా, మాస్‌, యాక్షన్‌ ఎలిమెంట్స్ను మేళవించి రెండు వేర్వేరు ప్రపంచాల కలయికగా ఈ సినిమా కథ ఉండబోతుందని తెలిసింది.