Rashmika Mandanna Kubera :నేషనల్ క్రష్ రష్మిక మందన్న ప్రస్తుతం 'కుబేర' షూటింగ్లో యాక్టివ్గా పాల్గొంటోంది. ఇటీవలే ఈ సినిమాకు సంబంధించిన బిజీ షెడ్యూల్లో గడిపినట్లు సోషల్ మీడియా వేదికగా పోస్ట్ చేసింది. అయితే తాజాగా ఈ సినిమాలోని తన ఫస్ట్ లుక్ను అభిమానులతో పంచుకుని సర్ప్రైజ్ చేసింది. మేకర్స్ రిలీజ్ చేసిన స్పెషల్ గ్లింప్స్ వీడియోను నెట్టింట పంచుకుంది.
అందులో రష్మిక సింపుల్గా కనిపించింది. ఓ గునపం చేతిలో పట్టుకుని అడవిలాంటి ప్రదేశానికి వెళ్లి అక్కడ తవ్వడం మొదలెడుతుంది. ఇంతలో ఆ తవ్వకాల్లో తనకు ఓ పెద్ద సూట్కేస్ దొరుకుతుంది. ఆమె ఆ పెట్టెను ఓపెన్ చేయగా, దాని నిండా డబ్బులు కనిపిస్తుంది. దీంతో రష్మిక ఆనందంగా ఆ సూట్కేస్ను తీసుకుని వెళ్తుంది. ఈ గ్లింప్స్ చూసి అభిమానులు స్టోరీని రకరకాలుగా గెస్ చేస్తున్నారు. తానే ఈ దబ్బులు అక్కడ దాచిపెట్టి ఉండొచ్చు అని కొందరు అంటుండగా, మరికొందరేమో తనకు దొరికిన హింట్ వల్ల ఆమె అక్కడ చేరకుని ఉండొచ్చు అని కామంట్లు పెడుతున్నారు.
ఇప్పటికే ఈ చిత్రం నుంచి ధనుశ్, నాగార్జున ఫస్ట్ లుక్ కూడా రివీల్ అయ్యింది. రిలీజైన మూడు లుక్స్ కూడా అభిమానుల్లో ఈ సినిమాపై మరింత ఆసక్తి రేపుతోంది. ప్రస్తుతం ఈ మూవీ శరవేగంగా షూటింగ్ జరుపుకుంటోంది. హీరో ధనుశ్తో పాటు మూవీ టీమ్ మొత్తం కీలక చిత్రీకరణలో పాల్గొంటున్నారు.