'చెర్రీ సో కేరింగ్​' - ఫ్లైట్​లో భార్య కాళ్లు నొక్కుతున్న రామ్​ చరణ్​

Ram Charan Upasana Viral Video : టాలీవుడ్ కపుల్​ రామ్​చరణ్​, ఉపాసన తాజాగా అనంత్ రాధిక ప్రీ వెడ్డింగ్ వేడుక కోసం పయనమయ్యారు. అయితే వారు వెళ్తున్న సమయంలో ఫ్లైట్​లో తీసిన ఓ వీడియో ప్రస్తుతం సోషల్ మీడియాలో ట్రెండ్ అవుతోంది. అదేంటంటే ?

Ram Charan Upasana Viral Video :టాలీవుడ్ మోస్ట్ క్యూట్​ కపుల్స్​లో రామ్​చరణ్​ ఉపాసన ఒకరు. ఈ జంట ఎక్కడకి వెళ్లిన తమ కపుల్ గోల్స్​తో అందరినీ ఆశ్చర్యపరుస్తుంటుంది. చరణ్​ తనను ఎంతబాగా చూసుకుంటున్నారో అంటూ ఉపాసన కూడా సోషల్ మీడియాలో తమ క్యూట్​ మూమెంట్స్ షేర్ చేస్తుంటారు. ఇక చెర్రీ కూడా అంతే తమ ఫ్యామిలీకి సంబంధించిన ఫొటోలను సోషల్ మీడియాలో అప్​లోడ్ చేస్తుంటారు. అయితే తాజాగా ఈ జంటకు సంబంధించిన ఓ వీడియో సోషల్ మీడియాలో తెగ ట్రెండ్ అవుతోంది. దీన్ని చూసిన ఫ్యాన్స్ 'చెర్రీ సో కేరింగ్​', 'ఉప్సీని ఎంత బాగా చూసుకుంటున్నారో' అంటూ నెటిజన్లు చెర్రీని పొగడ్తలతో ముంచెత్తుతున్నారు.

ఇటీవలే అనంత్ అంబానీ, రాధిక ప్రీ వెడ్డింగ్ వేడుకకు దేశంలోని సినీ, రాజకీయ, పారిశ్రామిక ప్రముఖలందరికీ ఆహ్వానాలు అందాయి. అందులో భాగంగా రామ్​ చరణ్ ఉపాసన దంపతులు కూడా ఈ వేడుకల కోసం జామ్​నగర్​కు పయనమయ్యారు. అయితే ఫ్లైట్​లో ఉప్సీ అలసటగా నిద్రిస్తున్న సమయంలో చెర్రీ ఆమె కాళ్లు పట్టుకుని నెమ్మదిగా నొక్కుతూ కనిపించారు. ఈ వీడియో కాస్త సోషల్ మీడియాలో ట్రెండ్ అవ్వగా, ఫ్యాన్స్ ఈ క్యూట్​ కపుల్​ గురించి స్వీట్​గా కామెంట్స్ చేస్తున్నారు.

ఫోర్బ్​ మ్యాగజైన్​పై చెర్రీ దంపతులు
Ram Charan Forbes Magazine :గ్లోబల్ స్టార్ రామ్ చరణ్ దంపతులు అరుదైన గౌరవం అందుకున్నారు. ప్రతిష్ఠాత్మక ఫోర్బ్స్ మ్యాగజైన్ కవర్ పేజీపై ఈ జంట మెరిశారు. ఇప్పటివరకు ఏ టాలీవుడ్ జంట ఇలా ఫోర్బ్స్ మ్యాగజైన్ కవర్ పేజీపై కనిపించింది లేదు. మొదటిసారి ఆ అరుదైన గౌరవాన్ని అందుకున్నారు చరణ్ దంపతులు. ఇక దీంతో పాటు ఓ స్పెషల్ ఇంటర్యూలో ఈ జంట పలు ఆసక్తికర అంశాలను మాట్లాడారు. వారి లవ్ స్టోరీ, వైవాహిక జీవితంలో ఒకరినొకరు ఎలా సపోర్ట్ చేసుకున్నారు అన్ని విషయాలను చెప్పుకొచ్చారు. అంతే కాకుండా ఈ ఇంటర్వ్యూలో వీరి జీవితంలోకి క్లీంకార వచ్చాక జరిగిన మార్పులను కూడా వారు వివరించారు.