Vettaiyan VS Kanguva Release Date :సూపర్ స్టార్ రజనీ కాంత్‌ హీరోగా నటిస్తున్న లేటెస్ట్ మూవీ వేట్టయాన్. టి.జె.జ్ఞానవేల్‌ రాజా దీనిని తెరకెక్కిస్తున్నారు. రజనీ 170వ సినిమాగా ఇది రాబోతుంది. అమితాబ్‌ బచ్చన్, ఫహాద్‌ ఫాజిల్, రానా వంటి స్టార్స్ ఇందులో భాగస్వామ్యమయ్యారు. తాజాగా ఈ సినిమా రిలీజ్ డేట్ను నిర్మాణ సంస్థ ప్రకటించింది.
వేట్టయాన్(Vettaiyan Release Date) అక్టోబర్ 10న మీ ముందుకు రానుంది అని లైకా ప్రొడక్షన్స్‌ పోస్ట్‌ చేసింది. తమిళంతో పాటు తెలుగు, హిందీ, కన్నడ భాషల్లో రిలీజ్ కానున్నట్లు ప్రకటించింది. ఈ సినిమాలోని రజనీ పాత్రకు సంబంధించిన షూటింగ్ ఎప్పుడో పూర్తైపోయింది. ఇతర నటీ నటులకు సంబంధించిన కొన్ని సీన్స్ షూటింగ్ జరుపుకుంటోంది. రియల్ ఇన్సిడెంట్స్ ఆధారాలతో క్రైమ్‌ యాక్షన్‌ డ్రామాగా దీని రూపొందిస్తున్నారు.
ఈ సినిమా గురించి ఈ మధ్య రానా మాట్లాడుతూ - వేట్టయాన్ రజనీకాంత్‌ స్టైల్‌, ఇమేజ్ సినిమా కాదని చెప్పారు. ఆయన ఇమేజ్‌కు పూర్తి భిన్నంగా ఉంటుందని క్లారిటీ ఇచ్చారు. దీంతో ఈ మూవీ ఎలా ఉండబోతుందా అని ఫ్యాన్స్ ఎంతో ఆసక్తిగా ఎదురుచూస్తున్నారు.