Raja Saab Movie Update :పాన్ఇండియా స్టార్ ప్రభాస్- మారుతి కాంబోలో తెరకెక్కుతున్న మూవీ 'ది రాజా సాబ్'. కామెడీ, హర్రర్ థ్రిల్లర్ జానర్లో ఈ సినిమా రూపొందుతుంది. ఇప్పటికే ఈ సినిమా షూటింగ్ ప్రారంభమైంది. అయితే అక్టోబర్ 23న ప్రభాస్ బర్త్ డే సందర్భంగా మేకర్స్ రెండు రోజుల ముందే ఫ్యాన్స్కు ట్రీట్ ఇచ్చారు. ఈ క్రమంలో సోమవారం సినిమా నుంచి ఓ అప్డేట్ ఇచ్చారు. ప్రభాస్ స్టైలిష్ లుక్తో ఉన్న పోస్టర్ రిలీజ్ చేశారు. ఇక అక్టోబర్ 23న అసలైన ట్రీట్ ఉందంటూ పోస్ట్ షేర్ చేశారు. అంటే ప్రభాస్ బర్త్ డే రోజు వీడియో గ్లింప్స్ రిలీజ్ చేయడానికి మేకర్స్ ప్లాన్ చేసినట్లు తెలుస్తోంది.
పోస్టర్లో డార్లింగ్ లుక్ చాలా స్టైలిష్గా ఉంది. చాలా కాలం తర్వాత వింటేజ్ ప్రభాస్ను గుర్తు చేసేలా ఉంది. టీ షర్ట్, షర్ట్, బ్లాక్ జీన్స్తో ప్రభాస్ నిలబడి ఉన్న పోస్టర్ ఫ్యాన్స్ను తెగ ఆకట్టుకుంటుంది. ఇంక కూలింగ్ గ్లాసెస్ ధరించడం వల్ల మరింత స్టైలిష్ లుక్ వచ్చింది. ఈ పోస్టర్ను డైరెక్టర్ మారుతి చేస్తూ ఇంట్రెస్టింగ్ క్యాప్షన్ రాశారు. 'ఈ ప్రయాణంలో మేం, తయారు చేసిన డార్లింగ్ క్యారెక్టర్ ఇది' అని మారుతి పోస్ట్ చేశారు. నిమిషాల్లోనే ప్రభాస్ లుక్ ట్రెండింగ్లోకి వచ్చేసింది. ఇక నుంచి సినిమా రిలీజ్ దాకా వరుసగా అప్డేట్స్ ఉంటాయని నిర్మాత ఎస్కేఎన్ తెలిపారు.
ఈ సినిమాలో మాళవిక మోహనన్, నిధి అగర్వాల్, రిద్ధి కుమార్‌ హీరోయిన్లుగా నటిస్తున్నారు. మ్యూజిక్ సంచలనం తమన్ సంగీతం అందిస్తున్నారు. పీపుల్ మీడియా ఫ్యాక్టరీ బ్యానర్పై టీజీ విశ్వప్రసాద్ ఈ సినిమా నిర్మిస్తున్నారు. తెలుగుసహా హిందీ, తమిళం, మళయాలం, కన్నడ భాషల్లో పాన్ఇండియా లెవెల్లో ఈ చిత్రం తెరకెక్కుతోంది. కాగా, ఈ సినిమా 2025 వేసవి సందర్భంగా ఏప్రిల్ 10న థియేటర్లలో విడుదల కానుంది.