Radhika Sarath Kumar Latest Tweet :కోలీవుడ్ స్టార్ నటి రాధిక శరత్ కుమార్ తాజాగాఓ సంచలనాత్మక ట్వీట్ చేశారు. ఓ సినిమా పై అసహనం వ్యక్తం చేస్తూ కామెంట్ చేశారు. "ఏదైనా సినిమా చూసి మీరు విసిగిపోయారా? నాకైతే ఓ మూవీని చూస్తున్న సమయంలో వాంతి చేసుకోవాలనిపించింది. మధ్యలోనే ఆపేయాలని అనిపించింది. చాలా కోపంగా ఉంది." అంటూ ఆమె నెట్టింట రాసుకొచ్చారు. అయితే ఈ ట్వీట్ చూసిన ఫ్యాన్స్ దీనిపై కామెంట్ల వర్షం కురిపిస్తున్నారు. పలు రకాలుగా స్పందిస్తున్నారు. రాధిక మాట్లాడుతున్నది తాజాగా ఓటీటీలో విడుదలైన 'యానిమల్' మూవీ గురించేనంటూ అభిప్రాయపడుతున్నారు. అయితే ఆమె ఏ సినిమా గురించి ఇలా మాట్లాడారో తెలియాల్సి ఉంది.
మరోవైపు ప్రముఖ ఓటీటీ నెట్ఫ్లిక్స్ వేదికగా యానిమల్ మూవీ ప్రస్తుతం స్ట్రీమింగ్లో ఉంది. రణ్‌బీర్‌ కపూర్, రష్మిక మందన్న నటించిన ఈ సినిమాను సందీప్‌ రెడ్డి వంగా తెరకెక్కించారు. పాన్ ఇండియా లెవెల్లో ఈ మూవీ డిసెంబర్ 1న థియేటర్లలో విడుదలైంది. బాబీ దేఓల్, అనిల్ కపూర్ లాంటి స్టార్స్ ఇందులో కీలక పాత్ర పోషించారు. తొలి రోజు నుంచే సెన్సేషన్ టాక్ అందుకుని బాక్సాఫీస్ షేక్ చేసిన ఈ మూవీ అటు టాక్ పరంగా ఇటు వసూళ్ల పరంగా చరిత్ర సృష్టించింది. అయితే అంతటా భారీ వసూళ్లు అందుకున్నప్పటికీ ఈ సినిమాలోని చాలా సన్నివేశాల్లో హింసను తీవ్రస్థాయిలో చూపించారంటూ పలువురు నెటిజన్లు విమర్శలు చేశారు.