Quotation Gang Trailer : ప్రియమణి, సన్నీలియోని గురించి ఆడియెన్స్కు ప్రత్యేకంగా పరిచయం అక్కర్లేదు. ప్రియమణి పాన్ ఇండియా లెవల్లో ముద్రవేసేందుకు ప్రయత్నాలు చేస్తుంటే సన్నీలియోని సౌత్ ఇండస్ట్రీలో హవా కొనసాగించేందుకు ట్రై చేస్తోంది. అయితే ప్రస్తుతం వీరిద్దరు కలిసి నటించిన సినిమా 'కొటేషన్ గ్యాంగ్'. దండుపాళ్యం తరహాలో ఫుల్ క్రైమ్ కాన్సెప్ట్తో రానుందీ చిత్రం.
కోలీవుడ్లో తెరకెక్కుతోన్న ఈ సినిమా అనౌన్స్మెంట్ అప్పుడే క్యారెక్టర్స్ను రివీల్ చేసి పోస్టర్స్ను రిలీజ్ చేశారు. కానీ ఆ తర్వాత ఎటువంటి అప్డేట్ లేవు. ఇప్పుడు చాలా కాలం తర్వాత సడెన్గా ట్రైలర్ను విడుదల చేశారు. ఇందులో జాకీ ష్రాఫ్ ప్రియమణి, సన్నీలియోని, సారా అర్జున్ వంటి వారు ఉన్నారు. వీరంతా రా అండ్ రస్టిక్ లుక్స్లో కనిపించి తన నట విశ్వరూపాన్ని బయటపెట్టారు.
ఈ చిత్రం మొత్తం గ్యాంగ్ వార్స్ నేపథ్యంలో సాగుతున్నట్లు కనిపిస్తోంది. సుఫారీకి హత్యలు చేసే గ్యాంగ్లో సన్నీలియోని, ప్రియమణి కూడా ఉన్నారు. వీరంతా డబ్బు కోసమే మనుషులను చంపుతుంటారు. ఈ క్రమంలోనే ఓ బడా గ్యాంగ్ స్టర్ను హత్య చేయడంతో వీరి జీవితాలు ఎలాంటి మలుపులు తిరిగాయనేదే కథ.