Pushpa Pushpa Song:ఐకాన్ స్టార్ అల్లు అర్జున్- సుకుమార్ కాంబోలో తెరకెక్కుతున్న పుష్ప- 2 మూవీ కోసం యావత్ సినీప్రియులు ఆత్రుతగా ఎదురుచూస్తున్నారు. ఈ నేపథ్యంలో మేకర్స్ రీసెంట్గా సినిమా నుంచి 'పుష్ప పుష్ప' పేరిట ఫస్ట్ సింగిల్ (Song) రిలీజ్ చేశారు. తెలుగుతో పాటు తమిళం, కన్నడ, హిందీ, మలయాళం ఇలా ఆరు భాషల్లో రిలీజైన ఈ పాట యూట్యూబ్లో రికార్డులు సృష్టిస్తోంది.
విడుదలైన మూడు రోజుల్లోనే ఆరు భాషల్లో కలిపి ఈపాట 50+ మిలియన్ వ్యూస్ దాటింది. ఈ క్రమంలో ఫాస్టెస్ట్గా 50 మిలియన్ వ్యూస్ సాధించిన పాటగా రికార్డ్ కొట్టింది. ఇదే సమయంలో దాదాపు 15 దేశాల్లో పుష్ప పుష్ప పాట ట్రెండింగ్లో కొనసాగుతోంది. ఇప్పటికే ఈ పాటపై ఇన్స్టాగ్రామ్లో నెటిజన్లు లక్షకుపైగా రీల్స్ కూడా చేశారు. అంటే సోషల్ మీడియాలో పుష్ప హవా ఏ రేంజ్లో సాగుతుందో అర్థం చేసుకోవచ్చు. ఒక్క పాటకే ఈరేంజ్ రెస్పాన్స్ లభిస్తే, ఫుల్ మూవీ రిలీజ్ అయ్యాక పుష్ప రాజ్ ఏ లెవల్లో రికార్డులు తిరగరాస్తాడో!
ఊర మాస్గా ఉన్న ఈ సాంగ్ను మ్యూజిక్ డైరెక్టర్ దేవీ శ్రీ ప్రసాద్ తన ట్యూన్తో మరికాస్త ఎనర్జీటిక్గా మలిచారు. 'నువ్వు గడ్డం అట్టా సవరిస్తుంటే దేశం దద్దరిల్లే' అంటూ సూపర్ లిరిక్స్ను సాంగ్కు అందించారు లిరిసిస్ట్ చంద్రబోస్. ఇందులో పుష్పరాజ్‌ మ్యానరిజంను ఎంతో చక్కగా వివరించారు. ఇక సినిమా రిలీజ్లోపు ఈ పాట 100 మిలియన్ క్లబ్లోకి ఈజీగా చేరుతుంది.