Premalu Heroine Allu Arjun:మలయాళ సెన్సెషనల్ హిట్ 'ప్రేమలు' ఇటీవల తెలుగులో రిలీజై ఇక్కడ కూడా బ్లాక్బస్టర్ టాక్ సొంతం చేసుకుంది. హైదరాబాద్ బ్యాక్డ్రాప్లో గిరీష్ ఏడి తెరకెక్కించిన ఈ సినిమా యూత్ను బాగా ఆకట్టుకుంటోంది. ఇక హీరో నస్లెన్, హీరోయిన్ మమిత బైజు నటనకు మంచి మార్కులు పడ్డాయి. ముఖ్యంగా హీరోయిన్ మమిత యాక్టింగ్ స్కిల్స్, లుక్తో స్పెషల్ అట్రాక్షన్గా నిలిచింది. దీంతో ఈ మలయాళ భామకు కుర్రకారులో ఫ్యాన్ ఫాలోయింగ్ ఎక్కువైపోయింది. అయితే తాను మాత్రం ఐకాన్ స్టార్ అల్లు అర్జున్కు పెద్ద అభిమాని అని ఓ ఇంటర్వ్యూలో చెప్పుకొచ్చింది.
ఆయన నటించిన 'హ్యాపీ', 'ఆర్య', 'ఆర్య-2', 'ఇద్దరమ్మాయిలు', 'రేసు గుర్రం', 'పుష్ప-1' సినిమాలు తన ఫేవరెట్ అని మమిత చెప్పింది. తనతోపాటు ఆమె సోదరుడు కూడా బన్నీ స్టైల్, డ్రెస్ సెన్స్ ఫాలో అవుతారని పేర్కొంది. ఇక బన్నీకి నేషనల్ అవార్డు వచ్చిన సమయంలో తాను హైదరాబాద్లో ఉన్నానని, ఆ రోజు అల్లు అర్జున్ ఇంటికెళ్లి ఆయన్ను చూసినట్లు మమిత ఇంటర్వూలో తెలిపింది.
వరుస ఆఫర్లు:అయితే ఒక సినిమా హిట్ అవ్వగానే, ఆటోమేటిక్గా ఆ హీరోయిన్లకు వరుస ఛాన్స్లు క్యూ కడుతుంటాయి. ఈ నేపథ్యంలో హీరోయిన్ మమిత బైజుకు కూడా ఆఫర్లు వరుస కడుతున్నాయట. మమితకు తెలుగుతోపాటు ఇతర భాషల్లోనూ పలువురు డైరెక్టర్లు క్రేజీ ఆఫర్లు ఇస్తున్నారని ఇండస్ట్రీ వర్గాల టాక్. మమిత తన తదుపరి చిత్రంలో తమిళ స్టార్ హీరో విష్ణు విశాల్తో కలిసి నటించనున్నట్లు తెలుస్తోంది. ఈ సినిమాకు రామ్ కుమార్ దర్శకత్వం వహిస్తున్నారు.