Salaar Part 2 Postponed:సెన్సేషనల్ డైరెక్టర్ ప్రశాంత్ నీల్ వరుస ప్రాజెక్ట్లతో బిజీగా ఉన్నారు. రీసెంట్గా ప్రభాస్ 'సలార్ పార్ట్ 1- సీజ్ఫైర్'తో బ్లాక్బస్టర్ హిట్ అందుకున్న ఆయన దీని సీక్వెల్ 'శౌర్యంగ పర్వం'పై దృష్టి పెట్టారు. ఏప్రిల్లో చిత్రీకరణ ప్రారంభమైందని, 2025లో సినిమా ప్రేక్షకుల ముందుకు రానుందని ఇటీవల వార్తలు వచ్చాయి.
అయితే ఇంతలోనే డైరెక్టర్ ప్రశాంత్ తన నిర్ణయం మార్చుకున్నట్లు తెలుస్తోంది. ఆయన లైనప్ ప్రకారం ముందుగా తెరకెక్కించాల్సిన 'సలార్- 2' కు బ్రేక్ ఇవ్వనున్నట్లు సమాచారం. ఈ సినిమాను పోస్ట్పోన్ చేసి జూనియర్ ఎన్టీఆర్ సినిమాపై ఫోకస్ పెట్టాలని డిసైడ్ అయ్యారట. ఈ నేపథ్యంలో 'సలార్- 2'కు బ్రేక్ ఇచ్చి, 'ఎన్టీఆర్ 31' ప్రాజెక్ట్ను ముందుకు తీసుకురానున్నారని ప్రచారం సాగుతోంది. అయితే ఇది ఎంతవరకు నిజమో తెలియాలంటే సలార్ టీమ్ రెస్పాన్స్ ఇవ్వాల్సిందే. ఒకవేళ ఇదే నిజమైతే ప్రభాస్ ఫ్యాన్స్కు కాస్త నిరాశే!
అయితే ఎన్టీఆర్- ప్రశాంత్ నీల్ సినిమా ఇప్పటికే ఖరారైంది. ఈ సినిమా ఎన్టీఆర్ 31 వర్కింగ్ టైటిల్తో తెరకెక్కనుంది. ఇక ఈ మూవీ నుంచి ఇప్పటికే ఓ పోస్టర్ కూడా రిలీజైంది. 2024 మార్చిలో షూటింగ్ ప్రారంభమౌతుందని గతంలో చెప్పారు. కానీ, ఆ పోస్టర్ మినహా ఈ ప్రాజెక్ట్ గురించి ఎలాంటి అప్డేట్ రాలేదు. చూడాలి మరి ప్రశాంత్ సలార్- 2 కంటిన్యూ చేస్తారా? లేదా అది పోస్ట్పోన్ చేసి ఎన్టీఆర్ ప్రాజెక్ట్ పట్టాలెక్కిస్తారా? దీనిపై త్వరలో ఓ క్లారిటీ వచ్చే ఛాన్స్ ఉంది.