YSRCP Social Media Activist Apology Letter : ఏపీలో వైఎస్సార్సీపీ అధికారంలో ఉన్నప్పుడు నోటికి ఏది వస్తే అది.. సమాజం ఏం అనుకుంటుందో కూడా ఆలోచించకుండా టీడీపీ, జనసేన నాయకులు, వారి కుటుంబ సభ్యులపై ఇష్టారాజ్యంగా కొందరు నోరు పారేసుకునేవారు. ఇప్పుడు వారంతా యూటర్న్ అవుతున్నారు. సోషల్ మీడియాలో అసభ్యకర పోస్టులు పెట్టిన వారిపై కేసులు, అరెస్టుల నేపథ్యంలో కాళ్ల బేరానికే వస్తున్నారు. తప్పయింది.. క్షమించండి అంటూ సోషల్ మీడియాలో వీడియోలు రిలీజ్ చేయడంతో పాటు లెటర్లు సైతం రాస్తున్నారు. మరికొంత మందైతే సోషల్ మీడియాలో అకౌంట్లను డీ యాక్టివేట్ చేస్తున్నారు.
మరికొంత మంది అజ్ఞాతంలోకి వెళ్లి తమను, తమ కుటుంబ సభ్యులను క్షమించి వదిలేయాలంటూ పేజీలకు పేజీల లెటర్లను రాస్తున్నారు. ఇప్పటికీ పక్కోడి మీద పడి నోటికి వచ్చిన మాటలు అన్నవారు వారి మీదకు వచ్చేసరికి ఇలా లేఖలను రాస్తున్నారు. ఈ తరుణంలో ఓ వైఎస్సార్సీపీ సానుభూతి పరురాలు, నటి తనను క్షమించి విడిచిపెట్టాలంటూ బహిరంగంగానే లేఖ లేఖ రాశారు. తనను ఇక వదిలేయాలంటూ ఐదు రోజుల క్రితం ఓ వీడియోను సైతం విడుదల చేసిన ఆమెపై అనంతరం కేసు నమోదు అయింది.
వైఎస్సార్సీపీ అధికారంలో ఉన్నప్పుడు జగన్కు కానీ, పార్టీకి కానీ వ్యతిరేకంగా సోషల్ మీడియాలో మాట్లాడితే, పోస్టులు చేస్తే చాలు పచ్చి బూతుల పురాణాలు అందుకుంటూ రెచ్చిపోయి వీడియోలు విడుదల చేసిన ఓ నటి.. ఇప్పుడు లోక్శ్ అన్నా.. క్షమించు అంటూ కాళ్ల బేరానికి వచ్చింది. తన వల్ల తప్పయిందని మళ్లీ జీవితంలో ఇటువంటి తప్పు చేయనంటూ లేఖను రాసింది. అప్పుడు తెలియలేదు.. ఇప్పుడు నా వరకు వచ్చేసరికి ఏంటో అర్థమవుతుందంటూ క్షమించమని వేడుకుంది.
గతంలో ఫిలిం ఛాంబర్ వద్ద నగ్న ప్రదర్శన : గతంలో ఆ నటి సినిమా పరిశ్రమలో తనను శారీరకంగా ఉపయోగించుకొని అవకాశాలు ఇవ్వలేదని ఆరోపించారు. అప్పట్లో ఈ విషయం హైదరాబాద్లో హల్చల్ చేశారు. తనకు అన్యాయం జరిగిందని, న్యాయం చేయాలంటూ ఫిలిం ఛాంబర్ వద్ద నగ్నంగా ప్రదర్శన కూడా చేశారు. అనంతరం ఆ విషయం తీవ్ర సంచలనమే సృష్టించింది. ఆ తరువాత అక్కడి నుంచి చెన్నైకి మకాం మార్చి.. అక్కడి నుంచి సోషల్ మీడియాలో వైఎస్సార్సీపీకి అనుకూలంగా వీడియోలు చేసేవారు.
ఆ పార్టీకి వ్యతిరేకంగా ఏ రాజకీయ నాయకుడు మాట్లాడిన తీవ్రస్థాయిలో బూతు పురాణాలు వాడుతూ వీడియోలు రిలీజ్ చేసేది. ఆతర్వాత కూటమి ప్రభుత్వం అధికారంలోకి రావడంతో చట్టప్రకారం సోషల్ మీడియాలో పోస్టులు చేసేవారిని శిక్షిస్తూ ఉంటే ఆమెకు తత్వం బోధపడి సోషల్ మీడియాలో క్షమించమని అంటూ వీడియోలు చేయగా కేసు నమోదైంది. ఆ అస్త్రం పని చేయకపోయేసరికి ఇక చేసేదేమీ లేక బహిరంగ క్షమాపణ లేఖను విడుదల చేసింది.
రామ్గోపాల్ వర్మపై వరుసగా కేసులు నమోదు - కొంపముంచిన సోషల్ మీడియాలో పోస్టులు
మీరు సోషల్ మీడియా యాక్టివ్ యూజర్లా? - అలాంటి పోస్టులు పెడితే జైలుకే! తస్మాత్ జాగ్రత్త
