Prabhas Salaar 2 Kiara Advani :సలార్ 2ను పట్టాలెక్కించేందుకు రంగం సిద్ధమవుతోంది. జూన్‌లో లేదా జులైలో పాన్ ఇండియా స్టార్ ప్రభాస్ రంగంలోకి దిగనున్నట్టు తెలుస్తోంది. అయితే ఈ సినిమాకు సంబంధించిన రోజుకో ఆసక్తికరమైన విషయం బయటకు వస్తున్న సంగతి తెలిసిందే. రెండో భాగంలో మరికొన్ని అదనపు ఆకర్షణలు ఉంటాయని, అందులో భాగంగా మరో హీరోయిన్ను ఎంపిక చేయడంపై మూవీటీమ్ దృష్టి పెట్టినట్టు గత రెండు మూడు రోజులుగా జోరుగా ప్రచారం సాగుతోంది.
ఫస్ట్ పార్ట్లో ప్రభాస్ సరసన శ్రుతిహాసన్ ఓ కీలక పాత్రలో నటించిన సంగతి తెలిసిందే. సలార్ 2లోనూ ఆమె పాత్ర ఎంతో కీలకంగా ఉండనుంది. అయితే శ్రుతి హాసన్తోపాటు హిందీ భామ కియారా అడ్వాణీ కూడా రెండో భాగంలో ఓ కీలక పాత్ర కోసం తీసుకోబోతున్నారని విపరీతంగా కథనాలు వస్తున్నాయి. ఓ ప్రత్యేక గీతంలోనూ కియారా ఆడిపాడనుందని ప్రచారం సాగుతోంది. దీంతో చాలా మంది ఎక్సైటింగ్గా ఫీలయ్యారు.
అయితే తాాజాగా ఈ విషయంపై మరో కొత్త ప్రచారం మొదలైంది. అదేంటంటే ఈ న్యూస్ అంతా ఫేక్ అని తెలిసింది. కియారా స్పెషల్ సాంగ్ ఏమీ చేయట్లేదని ఓ సోర్స్ ద్వారా సమాచారం అందింది. ఇదంతా కేవలం రూమర్ మాత్రమే అని వాళ్లు పేర్కొన్నారు. ఎవరు కూడా కియారాను సలార్ 2 విషయమై సంప్రదించలేదని తెలిపారు. ఆమె తెలుగులో కేవలం ఒక్క సినిమా మాత్రమే చేస్తుందని, అది రామ్ చరణ్ గేమ్ ఛేంజర్ అని క్లారిటీ ఇచ్చారు. ఏదేమైన ఇందులో నిజమెంతో మరింత పక్కాగా తెలియాలంటే మూవీ టీమ్ స్పందించే వరకు వేచి ఉండాల్సిందే.