Prabhas Raja Saab Release Date : పాన్ ఇండియా స్టార్ ప్రభాస్ - దర్శకుడు మారుతి కాంబినేషన్లో రెడీ అవుతున్న 'రాజా సాబ్‌' సినిమా రొమాంటిక్‌ హారర్‌ కామెడీ నేపథ్యంలో తెరకెక్కుతోంది. తాజాగా మారుతి 'రాజాసాబ్' విడుదలపై స్పందించారు. "మన చేతుల్లో ఏం లేదు. టైమ్ వచ్చినప్పుడు అదే విడుదల అవుతుంది. దీని కన్నా ముందు ప్రభాస్ నటిస్తున్న పెద్ద సినిమా రిలీజ్ కానుంది. అది రిలీజయ్యాకే ఈ సినిమాకు సంబంధించిన అప్‌డేట్‌లు, రిలీజ్ డేట్ విశేషాలు తెలియజేస్తాను. తప్పకుండా అందరికీ నచ్చే డేట్‌లోనే ఇది రిలీజ్ అవుతుంది.
కాగా, మారుతి - ప్రభాస్ కాంబోలో రానున్న మొదటి చిత్రమిది. సంక్రాంతి కానుకగా మూవీటీమ్ ఈ చిత్ర టైటిల్‌ను అఫీషియల్గా అనౌన్స్ చేసింది. పీపుల్‌ మీడియా ఫ్యాక్టరీ బ్యానర్పై టీజీ విశ్వప్రసాద్‌ దీనిని నిర్మిస్తున్నారు. నిధి అగర్వాల్, రిద్ధి కుమార్‌, మాళవిక మోహన్ హీరోయిన్లుగా నటిస్తున్నారు. 'సలార్‌'తో భారీ విజయాన్ని అందుకున్న ప్రభాస్ ప్రస్తుతం 'కల్కి 2898 ఏడీ'లో నటిస్తున్నారు. సైన్స్ ఫిక్షనల్‌ స్టోరీతో భారీ స్థాయిలో సినిమాను తీర్చిదిద్దుతున్నారు. మహానటి ఫేమ్ నాగ్‌ అశ్విన్‌ దర్శకుడు. వేసవి కానుకగా ఇది ప్రేక్షకుల ముందుకు రానుంది.