Pushpa 2 OTT : ఐకాన్ స్టార్ అల్లు అర్జున్ లీడ్ రోల్లో తెరకెక్కిన 'పుష్ప 2' సినిమా ఇండియన్ బాక్సాఫీస్ను షేక్ చేసింది. డిసెంబర్ 5 రిలీజైన ఈ సినిమా అనేక రికార్డులు బద్దలుకొడుతూ వరల్డ్వైడ్గా రూ.1800+ కోట్లు వసూళ్లు సాధించింది. డైరెక్టర్ సుకుమార్ తెరకెక్కించిన మాస్ యాక్షన్ ఎంటర్టైనర్కు థియేటర్లలో ఫుల్ విజిల్స్ పడ్డాయి.
అదే రేంజ్ సంబరాలు ఓటీటీలోనూ చేసుకోవాలని ఫ్యాన్స్ ఫిక్స్ అయ్యారు. సినిమాలో మంచి రెస్పాన్స్ వచ్చిన ప్రీ ఇంటర్వెల్, గంగమ్మ జాతర ఫైట్, క్లైమాక్స్ సన్నివేశాలను ఓటీటీలో చూసేందురు ఆత్రుతగా ఉన్నారు. ఈ క్రమంలోనే ఎప్పుడెప్పుడు ఓటీటీలోకి వస్తుందా అని తెగ వెయిట్ చేస్తున్నారు. మరి ఈ సినిమా ఓటీటీలోకి ఎప్పుడు ఎంట్రీ ఇవ్వనుందంటే?
పుష్ప 2 డిజిటల్ హక్కులను ప్రముఖ ఓటీటీ ప్లాట్ఫామ్ నెట్ఫ్లిక్స్ భారీ ధరకు దక్కించుకుంది. ఇక జనవరి 30 లేదా 31 నుంచి ఈ సినిమా ఓటీటీలో స్ట్రీమింగ్ కానున్నట్లు తెలుస్తోంది. అయితే ఏ సినిమా అయినా విడుదలైన రోజు నుంచి 6- 8 వారాల తర్వాత ఓటీటీలో వచ్చేస్తుంది. అలాగే పుష్ప సినిమా కూడా 56 రోజుల థియేట్రికల్ రన్ తర్వాత ఓటీటీలో అందుబాటులోకి వస్తుందని మేకర్స్ కూడా ఇప్పటికే చెప్పారు.
ఈ లెక్కన 'పుష్ప 2' గురువారానికి 50 రోజుల థియేట్రికల్ రన్ పూర్తి చేసుకుంది. ఇక మరో 6 రోజులు, అంటే జనవరి 30 లేదా 31 నుంచి ఓటీటీలో స్ట్రీమింగ్కు అందుబాటులోకి రావొచ్చు! మేకర్స్ రీసెంట్గా యాడ్ చేసిన 20నిమిషాల పుటేజ్తోనే ఓటీటీలో స్ట్రీమింగ్ కానుంది. అయితే దీనిపై సినిమా మేకర్స్, ఓటీటీ ప్లాట్ఫామ్ నెట్ఫ్లిక్స్ నుంచి అఫీషియల్ అనౌన్స్మెంట్ రావాల్సి ఉంది.
కాగా, సినిమా విషయానికొస్తే రష్మిక మంధన్నా హీరోయిన్గా నటించింది. ఫాహద్ ఫాజిల్, సునీల్, అనసూయ, రావు రమేశ్, జగపతిబాబు తదితరులు ఆయా పాత్రల్లో నటించారు. రాక్స్టార్ దేవీశ్రీ ప్రసాద్ సంగీతం అందించగా, మైత్రి మూవీ మేకర్స్ బ్యానర్పై నవీన్, రవి శంకర్ సంయుక్తంగా నిర్మించారు.
'పుష్ప 2' మేకింగ్ వీడియో రిలీజ్- ఆ సీన్ల కోసం అప్పటిదాకా ఆగాల్సిందే!
