Nani Sj Suryah Saripodhaa Sanivaaram Teaser Glimpse : నాని హీరోగా న‌టిస్తున్న లేటెస్ట్ మూవీ 'సరిపోదా శనివారం'. వివేక్ ఆత్రేయ దర్శకుడు. ఎస్.జె.సూర్య ప్ర‌తినాయ‌కుడిగా న‌టిస్తున్నారు. నేడు సూర్య పుట్టిన రోజు సంద‌ర్భంగా ఓ స్పెషల్ గ్లింప్స్ను రిలీజ్ చేసింది మూవీటీమ్. ఇట్స్ నాట్ ఏ టీజర్ పేరుతో విడుదలైన ఈ ప్రచార చిత్రం నిమిషం 20 సెక‌న్ల పాటు సాగింది. ఇందులోనే క‌థను, పాత్ర‌ల్ని క్తుప్తంగా ప‌రిచ‌యం చేశారు దర్శకుడు. ఆగస్ట్ 29న థియేటర్లలో రియల్ గేమ్ స్టార్ట్ అవ్వక ముందే ఈ మాస్ మ్యాడ్నెస్ టచ్ను ఎక్స్పీరియన్స్ చేయండి అంటూ మేకర్స్ చెప్పుకొచ్చారు.
"అప్పట్లో నరకాసురుడు అనే రాక్షసుడు ఉండేవాడు. ప్రజల్ని బాగా హింసించేవాడు" అంటూ పోలీస్ పాత్రలో ఉన్న ఎస్ జే సూర్యను ఉద్దేశిస్తూ సన్నివేశాల్ని చూపించారు. "అందుకే శ్రీ‌కృష్ణుడు, స‌త్య‌భామతో కలిసి న‌ర‌కాసుడిని వ‌ధించారు" అంటూ నాని చెప్పే డైలాగ్తో యాక్షన్ విజువల్ ట్రీట్ ఇచ్చారు. ఫైనల్గా నాని 'హ్యాపీ బర్త్డే సార్' అని చెప్పగా ఎస్ సూర్య నవ్వూతూ కిందకి పడిపోవడం చూపించారు. అంటే సూర్య సినిమాలో ఓ క్రూర‌మైన పోలీస్ ఆఫీసర్. త‌న అరాచ‌కాల్ని హీరో(నాని) హీరోయిన్తో కలిసి ఎలా ఎదిరించాడ‌న్న‌ది సినిమా కాన్సెప్ట్. సూర్య- నాని మధ్య సాగే పోరు ఈ చిత్రానికి ప్ర‌ధాన ఆక‌ర్ష‌ణ‌గా నిలువనుంది. ఇప్పటి వ‌ర‌కూ వ‌చ్చిన ప్ర‌మోష‌న్ కంటెంట్ సినిమాపై ఉన్న ఆస‌క్తిని మ‌రింత పెంచింది. మొత్తంగా ప్రస్తుత టీజర్ చూస్తుంటే యాక్ష‌న్కు పెద్ద పీట వేసిన‌ట్టు అర్థం అవుతోంది. బ్యాక్గ్రౌండ్ మ్యూజిక్ కూడా ఎన‌ర్జిటిక్‌గా సాగింది. ఆర్ఆర్ఆర్ నిర్మాత డి.వి.వి.దాన‌య్య ఈ చిత్రాన్ని నిర్మిస్తున్నారు. పాన్ ఇండియా స్థాయిలో విడుదల చేసేందుకు సన్నాహాలు చేస్తున్నారు. ఆగస్ట్ 29న తెలుగుతోపాటు, తమిళ, కన్నడ, మలయాళ, హిందీ భాషల్లో ప్రేక్షకుల ముందుకు తీసుకొస్తున్నట్టు ఆ మధ్య మూవీటీమ్ తెలిపింది. ఇకపోతే ఈ చిత్రానికి సంగీతం : జేక్స్‌ బిజోయ్‌, ఛాయాగ్రహణం : మురళి.జి, కూర్పు : కార్తీక శ్రీనివాస్‌, పోరాటాలు : రామ్‌ లక్ష్మణ్‌ అందిస్తున్నారు.