Thandel Movie OTT Release : టాలీవుడ్ స్టార్ హీరో నాగ చైతన్య, సాయి పల్లవి లీడ్ రోల్లో రీసెంట్గా వచ్చిన 'తండేల్' తొలి రోజు నుంచే బాక్సాఫీస్ వద్ద సక్సెస్ఫుల్గా దూసుకెళ్తోంది. హీరో హీరోయిన్ల యాక్టింగ్ అలాగే దేవి శ్రీ ప్రసాద్ మ్యూజిక్‌ ఈ సినిమాను మరో స్థాయికి తీసుకెళ్లింది. దీంతో ఫిబ్రవరీ 7న విడుదలైన ఈ చిత్రం ఇప్పటికీ సినిమా కొన్ని థియేటర్స్‌లో బాగా రన్‌ అవుతోంది.
త్వరలోనే ఓటీటీలోకి!
ఇదిలా ఉండగా, మేకర్స్ త్వరలోనే ఈ చిత్రాన్ని ఓటీటీలోకి తీసుకొచ్చేందుకు సన్నాహాలు చేస్తున్నారు. ప్రముఖ ఓటీటీ ప్లాట్‌ఫామ్‌ నెట్‌ఫ్లిక్స్‌ వేదికగా స్ట్రీమింగ్‌ కానున్నట్లు తెలుస్తోంది. ఇంకా ఈ విషయంపై అఫీషియల్ అనౌన్స్మెంట్ రాలేదు. అయితే మార్చి రెండో వారం కల్లా ఈ సినిమా ఓటీటీలోకి రావచ్చని సమాచారం.
రికార్డుల వర్షం
ఇటీవలే 'తండేల్' ప్రపంచవ్యాప్తంగా రూ.100 కోట్లు (గ్రాస్‌) వసూలు చేసిన సినిమాల జాబితాలోకి చేరింది. చైతూ కెరీర్‌లో బిగ్గెస్ట్‌ హిట్‌గా నిలిచింది. రిలీజైన తొలి రోజు నుంచే థియేటర్లలో దూసుకెళ్తోంది. ఓవర్సీస్లోనూ మంచి వసూళ్లు సాధిస్తోంది. ఈ క్రమంలో తాజాగా ఈ చిత్రం ఓవర్సీస్‌లో 1 మిలియన్‌ వసూళ్లను దాటినట్లు మూవీ టీమ్‌ అధికారికంగా ప్రకటించింది.
స్టోరీ ఏంటంటే :
సముద్రంలోకి చేప‌ల వేట‌కి వెళ్లిన తోటి మ‌త్స్యకారులంద‌రినీ ముందుకు న‌డిపించే నాయ‌కుడి పేరే 'తండేల్'. తన తండ్రి తండేల్ కావ‌డం వల్ల చిన్నప్పటి నుంచే ఆయ‌న ద‌గ్గ‌ర నుంచి ఓ నాయ‌కుడు ఎలా ఉండాలో నేర్చుకుంటాడు రాజు (నాగ‌చైత‌న్య). అలా పెద్ద‌య్యాక రాజు కూడా అంద‌రి క‌ష్టాల్ని వింటూ వాళ్ల‌కోసం నిల‌బ‌డ‌టం వల్ల అంద‌రూ అతడ్నే 'తండేల్'గా ఎంచుకుంటారు. ఇక రాజుకి తన చిన్నప్పటి ఫ్రెండ్ సత్య (సాయిప‌ల్ల‌వి) అంటే ప్రాణం. బుజ్జిత‌ల్లి అంటూ తనను ప్రేమ‌గా పిలుస్తుంటాడు.
ఇక రాజు అంటే స‌త్యకి కూడా చెప్ప‌లేనంత ప్రేమ. ఏడాదిలో తొమ్మిది నెల‌ల పాటు స‌ముద్రంలో గ‌డిపే రాజు ఎప్పుడెప్పుడు తిరిగొస్తాడా? అంటూ ఎదురు చూస్తూ గ‌డుపుతుంటుంది. అయితే ఈ సారి వేట‌కి వెళ్లొచ్చాక పెళ్లి చేసుకోవాల‌ని అనుకుంటారు. అలా సముద్రంలోకి వెళ్లాక తుపాను క‌ల్లోలం సృష్టిస్తుంది. దీంతో పాకిస్థాన్‌ జ‌లాల్లోకి వెళ్లిన రాజు ప‌డ‌వని, అందులోని మత్స్యకారులను అక్క‌డి అధికారులు బందీలుగా చేసి జైల్లో వేస్తారు. అప్పుడు సత్య రాజు కోసం ఏం చేసింది? శ్రీకాకుళం జిల్లాలోని మ‌త్స్య‌లేశం నుంచి పాకిస్థాన్‌ స‌రిహ‌ద్దుల వ‌ర‌కూ వెళ్లి రాజుని, ఇత‌ర మత్స్యకారులను ఆమె విడిపించిందా? రాజు, స‌త్యలు క‌లుసుకున్నారా? ఇటువంటి విషయాలు తెలుసుకోవాలంటే మిగతా సినిమా చూడాల్సిందే.
రూ.వంద కోట్ల క్లబ్లోకి చైతూ- 9 రోజుల్లోనే 'తండేల్' రికార్డు
