Naga Chaitanya Sobhita Dhulipala Marriage : అక్కినేని నాగచైతన్య- నటి శోభిత ధూళిపాళ్ల పెళ్లి పనులు సోమవారం ప్రారంభమయ్యాయి. నటి శోభిత ఇంట్లో అప్పుడే పెళ్లి సందడి షురూ అయ్యింది. ఈ మేరకు ఆమె ఫొటోలను తన ఇన్స్టా గ్రామ్లో షేర్ చేశారు. 'గోధుమ రాయి పసుపు దంచడం, మొదలైపోయింది' అంటూ పోస్ట్సు క్యాప్షన్ రాసుకొచ్చారు. ఆమె స్వయంగా పసుపు దంచుతున్న ఫొటోలు నెటిజన్లను ఆకట్టుకుంటున్నాయి. ఈ ఫొటోల్లో శోభితా సంప్రదాయంగా కనిపించారు. ఎరుపు రంగు, గోధుమ వర్ణం పట్టు చీరలో శోభిత మెరిసిపోతూ కనిపించారు. ఈ పోస్ట్ చూసిన ఫ్యాన్స్ పెళ్లి ఎప్పుడో చెప్పాలంటూ కామెంట్లు పెడుతున్నారు. ప్రస్తుతం ఈ ఫొటోలు వైరల్గా మారాయి.
కాగా, నాగచైతన్య తనకు కాబోయే భార్య, నటి శోభితతో కలిసి దిగిన ఓ ఫొటోను రీసెంట్గా సోషల్‌ మీడియాలో షేర్ చేశారు. ఇద్దరూ కలిసి ఓ లిఫ్ట్‌లో దిగిన ఫొటోని తన ఇన్‌స్టాగ్రామ్‌ అకౌంట్లో పోస్ట్ చేశారు. ఈ పిక్‌ శోభిత తీసినట్లు స్పష్టమవుతోంది. నాగ చైతన్య లిఫ్ట్‌లోని మిర్రర్ వైపు చూస్తూ ఫొటోకి పోజు ఇస్తున్నారు. శోభిత మిర్రర్లో కనిపించే ఇద్దరి ప్రతిబింబాలను క్యాప్చర్ చేస్తున్నట్లు కనిపిస్తోంది. ట్రెండీ ఔట్ఫిట్లో ఉన్న ఈ ఫొటో కూడా నిమిషాల్లో వైరల్గా మారింది. ఈ పోస్టుకు లక్షల్లో లైకులు కూడా వచ్చాయి. కాగా చై- శోభిత నిశ్చితార్థం 2024 ఆగస్టు 8న జరిగింది. కుటుంబ సభ్యులు, అతి తక్కువ మంది సన్నిహితుల సమక్షంలో ఈ వేడుక జరిగింది.
ఇక చైతన్య- శోభితా చాలా కాలంగా మంచి స్నేహితులు. శోభితా 2013లో ఫెమినా మిస్‌ ఇండియా టైటిల్‌ విన్నర్‌గా నిలిచింది. 2016లో సినీ రంగంలోకి అడుగుపెట్టింది. 'గూఢచారి'తో ఆమె తెలుగు తెరకు పరిచయమైంది. 'మేజర్‌', 'పొన్నియిన్‌ సెల్వన్‌', 'మంకీ మ్యాన్‌' వంటి సినిమాల్లో యాక్ట్‌ చేసింది.