NAGACHAITANYA SOBHITHA DHULIPALA ENGAZEMENT : యంగ్ హీరో అక్కినేని నాగ చైతన్య, శోభితా ధూళిపాళ్ల నిశ్చితార్థం గురువారం జరిగిన విషయం తెలిసిందే. త్వరలో ఈ జంట పెళ్లిపీటలు ఎక్కనుంది. ఈ క్రమంలో ఇప్పటివరకు మొదటి భార్య నుంచి విడాకులు తీసుకుని మళ్లీ ప్రేమలో పడి రెండో పెళ్లి చేసుకున్న హీరోలు ఎవరో ఈ స్టోరీలో తెలుసుకుందాం.
నాగచైతన్య - నటి సమంతతో 4 ఏళ్ల వివాహ బంధానికి 2021లో గుడ్ బై చెప్పారు నాగచైతన్య. ఆ తర్వాత ఆయన శోభితతో ప్రేమలో పడ్డారు. సైలెెంట్ రిలేషన్షిప్ మెయిన్టెయిన్ చేశారు. తాజాగా ఈ జంట ఎంగేజ్ మెంట్ జరిగింది. త్వరలోనే పెళ్లి పీటలు ఎక్కనున్నారు.
హృతిక్ రోషన్(Hrithik Roshan Girl friend) - బాలీవుడ్ స్టార్ హీరో హృతిక్ రోషన్ కూడా ఇంటీరియర్ డిజైనర్ సుస్సానే ఖాన్ను 2000 సంవత్సరంలో పెళ్లాడారు. ఆ తర్వాత 2014లో ల తన భార్యతో విడిపోతున్నానని హృతిక్ ప్రకటించారు. దీంతో 14 ఏళ్ల వీరి వైవాహిక బంధానికి తెరపడింది. ప్రస్తుతం హృతిక్ సబా ఆజాద్తో ప్రేమలో ఉన్నారు. వీరిద్దరూ కూడా పెళ్లి పీటలు ఎక్కబోతున్నట్లు సమాచారం.
అర్జున రాంపాల్ - బాలీవుడ్ స్టార్ అర్జున్ రాంపాల్ తన 20 ఏళ్ల వైవాహిక బంధానికి 2018లో స్వస్తి పలికారు. తన భార్య మెహర్ జెసియా నుంచి విడిపోతున్నట్లు ప్రకటించారు. ఈ తర్వాత మోడల్ గాబ్రియెల్లా డెమెట్రియాడ్స్తో డేటింగ్ చేశారు. ఆ తర్వాత ఇద్దరు మగ బిడ్డలకు ఈ జంట తల్లిదండ్రులయ్యారు.
ఫర్హాన్ అక్తర్ -బాలీవుడ్ స్టార్ ఫర్హాన్ అక్తర్ 3 ఏళ్ల డేటింగ్ చేసి హెయిర్ స్టైలిస్ట్ అధునా భబానీని పెళ్లాడారు. ఆ తర్వాత 16 ఏళ్ల వివాహ బంధానికి వీడ్కోలు చెప్పారు. అనంతరం షిబానీ దండేకర్తో 4 ఏళ్లు ప్రేమాయణం నడిపి 2022లో రెండో పెళ్లి చేసుకున్నారు.
మలైకా అరోరా(Malaika Arora Boyfriend) - 18 ఏళ్ల వైవాహిక జీవితానికి గుడ్ బై చెప్పి తన భర్త అర్బాజ్ ఖాన్ నుంచి విడిపోయారు బాలీవుడ్ హీరోయిన్ మలైకా అరోరా. ఆ తర్వాత మలైకా 2016లో అర్జున్ కపూర్తో ప్రేమలో పడ్డారు. 8 ఏళ్ల తర్వాత ఈ జంట తమ ప్రేమకు బ్రేకప్ చెప్పుకున్నారు. మరోవైపు, మలైకా మాజీ భర్త అర్బాజ్ ఖాన్ మేకప్ ఆర్టిస్ట్ షురా ఖాన్ను గతేడాది వివాహం చేసుకున్నారు.
సైఫ్ అలీఖాన్ -బాలీవుడ్లో అత్యంత పాపులర్ కపుల్స్లో సైఫ్ అలీ ఖాన్- కరీనా కపూర్ జోడీ ఒకటి. 2007లో ఓ సినిమా షూటింగ్ సమయంలో వీరిద్దరూ ప్రేమలో పడ్డారు. 5 ఏళ్లు డేటింగ్ చేసిన తర్వాత 2012లో పెళ్లి చేసకున్నారు. అయితే సైఫ్కు ఇది రెండో పెళ్లి. అంతకుముందు అమృతా సింగ్ను ప్రేమ వివాహం చేసుకున్నారు. ఆ తర్వాత ఆమె నుంచి విడిపోయారు.
ఆమీర్ ఖాన్ - బాలీవుడ్ మిస్టర్ పర్ఫెక్షనిస్ట్ ఆమీర్ ఖాన్ కూడా రెండో పెళ్లి చేసుకున్నారు. తన మొదటి భార్య రీనాదత్తా నుంచి 16 ఏళ్ల వైవాహిక బంధానికి వీడ్కోలు చెప్పారు. ఈ తర్వాత ఫిల్మ్ మేకర్ కిరణ్ రావ్ను వివాహం చేసుకున్నారు. వీరు కూడా 2021లో విడిపోయారు.
