మహేశ్, రాజమౌళి మూవీ అప్డేట్- SSMB29 ఒకటి కాదు రెండు పార్ట్​లుగా?

SSMB29 Movie Update : మహేశ్‌బాబు - రాజమౌళి కాంబోలో తెరకెక్కుతున్న సినిమా గురించి మరో వార్త సోషల్ మీడియాలో వైరల్​ అవుతోంది.

SSMB 29 Movie Update :సూపర్ స్టార్ మహేశ్‌బాబు లీడ్​ రోల్​లో దర్శకధీరుడు రాజమౌళి #SSMB29 వర్కింగ్ టైటిల్​తో ఓ సినిమా తెరకెక్కిస్తున్నారు. ఈ సినిమాను డైరెక్టర్ రాజమౌళి యాక్షన్‌ అడ్వెంచర్‌ జానర్​లో ప్లాన్ చేస్తున్నట్లు తెలుస్తోంది. ప్రస్తుతం ఈ సినిమా ప్రీ ప్రొడక్షన్ పనులు జరుగుతున్నాయి. ఈ క్రమంలో మూవీకి సంబంధించి ఓ ఇంట్రెస్టింగ్ వార్త వైరల్ అవుతోంది. సినిమానూ రెండు పార్ట్​లుగా తీసుకువచ్చే ప్లాన్ చేస్తున్నట్లు తెలుస్తోంది.

పూర్తిగా కథకు ప్రాధాన్యం ఉండడం వల్ల ఒకే పార్ట్​లో చెప్పడం సాధ్యం కాదని మేకర్స్ భావిస్తున్నారట. అమెజాన్‌ అడవుల నేపథ్యంలో సాగే అడ్వెంచర్‌ కథ కావడం, భారీ బడ్జెట్‌ కేటాయించడం, అలాగే స్టార్‌ నటీనటులు ఉండడం వల్ల రెండు భాగాలుగా తెరకెక్కించాలని భావిస్తున్నట్లు సమాచారం. అలాగే ఈ అడ్వెంచర్‌ జానర్‌లో సీక్వెల్స్‌ కూడా వస్తాయని మరో ప్రచారం సాగుతోంది. అంటే 'ఇండియానా జోన్స్‌' మాదిరిగా ఒకదాని తర్వాత మరొకటి రావొచ్చని అంటున్నారు. కీ రోల్స్​ అలాగే ఉండి, స్టోరీ మారుతుందట. అయితే దీని గురించి మేకర్స్ నుంచి అధికారిక ప్రకటన రావాల్సి ఉంది.

జనవరిలో షురూ
కాగా, ఈ సినిమా షూటింగ్ వచ్చే ఏడాది జనవరిలో ప్రారంభం కానుందని రైటర్ విజయేంద్ర ప్రసాద్ రీసెంట్​గా పేర్కొన్నారు. ఈ స్టోరీ రాసేందుకు ఆయనకు దాదాపు రెండేళ్ల సమయం పట్టిందని చెప్పారు. ఇక హీరో మహేశ్ కూడా ఈ సినిమా కోసం మేకోవర్​ అవుతున్నారు. పాత్రకోసం పొడవాటి జుట్టు, గడ్డంతో రెడీ అవుతున్నారు. ఈ పాత్ర కోసం మహేశ్ కొన్ని రోజులుగా జిమ్​లో సాధనలు చేస్తున్నారు. ఈ మధ్య ఆ ఫొటోలు కూడా వైరల్​ అయ్యాయి. ఈ సినిమాలో మహేశ్‌ను ఓ సరికొత్త అవతార్‌లో చూపించనున్నారు. అమెజాన్‌ అడవుల నేపథ్యంలో సాగే ఈ కథలో పలువురు హాలీవుడ్​ నటులు కూడా నటించనున్నారు. దుర్గా ఆర్ట్స్‌ బ్యానర్​పై కే ఎల్‌ నారాయణ ఈ సినిమాను నిర్మిస్తున్నారు. 'గరుడ' అనే టైటిల్​ అనుకుంటున్నారని జోరుగా ప్రచారం సాగుతోంది.