Lavanya Tripathi Comments On Varun Tej :వరుణ్ తేజ్-లావణ్య త్రిపాఠి పెయిర్ గురించి ప్రత్యేకంగా చెప్పనక్కర్లేదు. టాలీవుడ్లో మోస్ట్ క్యూట్ అండ్ లవెబుల్ కపుల్గా ఈ జంటకు పేరుంది. 5 ఏళ్లపాటు సీక్రెట్గా లవ్ట్రాక్ నడిపించిన వీరిద్దరూ గతేడాది నవంబర్లో మూడు ముళ్లతో ఒక్కటయ్యారు. ఇటలీలో వీరి పెళ్లి ఎంతో గ్రాండ్గా జరిగింది.
Lavanya Tripathi Web Series : వివాహం తర్వాత లావణ్య నటించిన తొలి వెబ్సిరీస్- 'మిస్ పర్ఫెక్ట్'. లావణ్య లీడ్ రోల్లో నటించిన మిస్ పర్ఫెక్ట్లో హీరోగా అభిజిత్ నటించారు. మంచి స్టోరీలైన్తో రొమాంటిక్ ఎంటర్టైనర్గా తెరకెక్కిన ఈ వెబ్సిరీస్ ఫిబ్రవరి 2న డిస్నీ ప్లస్ హాట్స్టార్ వేదికగా స్ట్రీమింగ్ కానుంది. అయితే రిలీజ్కు కొద్దిరోజులే సమయం ఉండటం వల్ల ప్రమోషన్స్లో బిజీగా గడుపుతున్నారు మెగా కోడలు. ఇందులో భాగంగానే తన సహనటులతో కలిసి తాజాగా ఓ ఇంటర్వ్యూలో పాల్గొన్నారు. ఇందులో తనకు కొన్ని ప్రశ్నలు అడిగారు యాంకర్. ఈ క్రమంలోనే తన భర్త వరుణ్ తేజ్కు ఉన్న ఓ హెల్త్ ప్రాబ్లమ్ గురించి ఆసక్తికరమైన కామెంట్స్ చేశారు.
రియల్ లైఫ్లో మిస్ పర్ఫెక్షనిస్ట్గా ఉంటారా?
ఇంటర్వ్యూలో భాగంగా యాంకర్ మీరు వెబ్సిరీస్లో చాలా పర్ఫెక్షనిస్ట్గా కనపించనున్నారు కదా, మరి 'రియల్ లైఫ్లో కూడా మీరు ఇలానే మిస్ పర్ఫెక్షనిస్ట్గా ఉంటారా?' అని లావణ్యను అడగ్గా, ఇందుకు ఆమె సమాధానం ఇచ్చారు. కొన్ని విషయాల్లో మాత్రమే తాను పర్ఫెక్షనిస్ట్గా ఉంటానని చెప్పారు. 'అన్ని విషయాల్లో అలా ఉంటే అది నాకు సమస్యగా మారుతుంది. ప్రస్తుతానికి నాకు అలాంటి సమస్యలేమీ లేవు' అని క్లారిటీ ఇచ్చారు లావణ్య.
యాంకర్ : మీరు, వరుణ్ తేజ్లో ఎవరు ఎక్కువ పర్ఫెక్షనిస్ట్?
లావణ్య : నవ్వుతూ.. నాతో పోలిస్తే వరుణ్ తేజ్ చాలా విషయాల్లో పర్ఫెక్ట్గా ఉండాలని అనుకుంటాడు. వీటిని నేను అంతగా పట్టించుకోను. తేజ్ను చూస్తుంటే అప్పుడప్పుడు అతడికి ఓసీడీ ఉన్నట్లు అనిపిస్తుంది. ఏదీ ఏమైనా అన్నీ అర్థం చేసుకుని సపోర్ట్ చేసే భర్త ఉంటే ఎలాంటి సమస్య ఉండదు.