NTR Devara Pre Sales Record : కొరటాల శివ దర్శకత్వంలో తాజాగా తెరకెక్కిన చిత్రం 'దేవర'. ఆచార్య లాంటి డిజాస్టర్ తర్వాత ఎలాగైనా భారీ హిట్ అందుకోవాలనే కసి, పట్టుదలతో రూపొందించారు కొరటాల. ఆర్ఆర్ఆర్తో భారీ బ్లాక్ బస్టర్ హిట్ అందుకున్న యంగ్ టైగర్ ఎన్టీఆర్తో కలిసి ఈ సినిమా చేశారు. పైగా అప్పటికే వీరిద్దరి కాంబోలో జనతా గ్యారేజ్ లాంటి పెద్ద హిట్ రావడంతో ఈ దేవరపై మొదటి నుంచి అంచనాలు ఏర్పడ్డాయి. ఇక రీసెంట్గా విడుదలైన ప్రచార చిత్రాలతో ఆ అంచనాలు మరింత రెట్టంపు అయ్యాయి.
ఈ చిత్రం సెప్టెంబర్‌ 27న ప్రపంచ వ్యాప్తంగా గ్రాండియర్గా రిలీజ్ కానుంది. దీంతో విడుదల తేదీ దగ్గర పడడంతో ప్రమోషన్స్లో జోరు పెరిగింది. ఓవర్సీస్లో ప్రీ సేల్స్ మొదలయ్యాయి. ఈ క్రమంలోనే విడుదలైన పాటలు, ట్రైలర్తో పాటు ఈ ప్రీ సేల్స్ రికార్డులు అందుకోవడం మొదలుపెట్టాయి.
అలా తాజాగా ఈ దేవర ఖాతాలోకి మరో అరుదైన రికార్డ్ వచ్చి చేరింది. ఇప్పటికే ఓవర్సీస్లో ప్రీసేల్‌ బుకింగ్స్‌లో అత్యంత వేగంగా వన్‌ మిలియన్‌ డాలర్ల మార్క్‌ను అందుకున్న ఈ చిత్రం, తాజాగా రెండు మిలియన్‌ డాలర్ల మార్క్‌ను అందుకుంది. ఈ విషయాన్ని మూవీ టీమ్ అఫీషియల్గా అనౌన్స్ చేసింది. ఇకపోతే దేవర విడుదలకు మరో మూడు రోజులు ఉండడం వల్ల ఈ ప్రీ సేల్స్ బుకింగ్స్ సంఖ్య మరింత పెరిగే అవకాశముందని సినీ వర్గాలు అంటున్నాయి.