Kissik Song Allu arjun Sreeleela : పుష్ప 2 : ది రూల్‌ చిత్రంతో బాక్సాఫీస్‌ను రూల్‌ చేసేందుకు సిద్ధమవుతున్నారు ఐకాన్ స్టార్ అల్లు అర్జున్. దర్శకుడు సుకుమార్‌ తెరకెక్కిస్తున్న ఈ సినిమాను మైత్రీ మూవీ మేకర్స్‌ భారీ బడ్జెట్తో నిర్మిస్తోంది. రష్మిక హీరోయిన్గా నటించగా, శ్రీలీల స్పెషల్ సాంగ్లో సందడి చేసింది. అయితే అల్లు అర్జున్ శ్రీలీల కలిసి చేసిన 'కిస్సిక్' సాంగ్ను చెన్నై వేదికగా జరిగిన పుష్ప వైల్డ్‌ ఫైర్‌ వేడుకలో రిలీజ్ చేశారు. ఈ సాంగ్లో శ్రీలీల, బన్నీ వేసిన మాస్ స్టెప్పులు స్పెషల్ అట్రాక్షన్గా నిలిచాయి.
ఈ వేడుకలో హీరో అల్లు అర్జున్ మాట్లాడుతూ "పుష్ప వైల్డ్‌ ఫైర్‌ ఎలా ఉంటుందో డిసెంబరు 5 నుంచి దేశం మొత్తం చూస్తుంది. ఈ సినిమా కచ్చితంగా ప్రతి ఒక్కరి మనసుల్ని తాకుతుంది. మైత్రీ మూవీ మేకర్స్‌ వల్లే ఈ సినిమా తెరకెక్కించడం సాధ్యమైంది. సుకుమార్‌ నా లైఫ్. తన వల్లే ఈ రోజు ఈ స్థాయికి చేరుకున్నాను. దేవి శ్రీ అందరికీ సంగీతం ఇస్తాడు. కానీ నాకు మాత్రం అదనంగా ప్రేమను పంచుతాడు. ఈ సినిమా కోసం నేను, రష్మిక కలిసి నాలుగేళ్లు జర్నీ చేశాం. ఇక నేను మొదటి సారి ఓ సాంగ్ కోసం కాస్త ఎక్కువగా జాగ్రత్త పడ్డాను. అందుకు కారణం శ్రీలీల. 'కిస్సిక్' సాంగ్లో ఆమె ఎలా డ్యాన్స్‌ చేసిందో మీరు తెరపై చూస్తే అర్థమవుతుంది" అని అన్నారు.
సంగీత దర్శకుడు దేవి శ్రీ ప్రసాద్ మాట్లాడుతూ "నేను ఈ సినిమా ఫస్ట్ హాప్ చూసినప్పుడే ఫిదా అయిపోయాను. సెకండాఫ్ చూశాక మైండ్ బ్లాక్ అయింది. అల్లు అర్జున్ నట విశ్వరూపం చూపించాడు. వచ్చే వారం మరో సాంగ్ రిలీజ్ అవుతుంది. అందులో అల్లు అర్డున్ ఊరమాస్‌ స్టెప్పులు చూస్తారు" అని పేర్కొన్నారు.