Kajal Aggarwal First Movie Auditions :సౌత్ ఇండస్ట్రీలో మోస్ట్ సక్సెస్ఫుల్ హీరోయిన్లలో ఒకరు కాజల్ అగర్వాల్. 'లక్ష్మీ కల్యాణం' సినిమాతో తన కెరీర్ ప్రారంభించిన ఈ చిన్నది, ఆ తర్వాత తెలుగు, తమిళం, హిందీ ఇలా అన్నీ భాషల్లోనూ పలు హిట్ సినిమాల్లో నటించి అనతికాలంలోనే స్టార్డమ్ పొందింది. రోల్ ఏదైనా సరే అలవోకగా నటించి అభిమానులను మెప్పిస్తుంటుంది.
అయితే ఈ చిన్నది తన తొలి ఆడిషన్స్ ఎలా ఇచ్చిందో తెలుసా ? ఇదే విషయాన్ని తాజాగా ఈటీవీలో ప్రసారమవుతున్న ఆలీతో సరదాగా సీజన్ 2లో చెప్పింది. తన అప్కమింగ్ మూవీ 'సత్యభామ' ప్రమోషన్స్లో భాగంగా డైరెక్టర్ సుమన్‌ చిక్కాలతో కలిసి షో లో సందడి చేసింది. తన కెరీర్తో పాటు పర్సనల్ విషయాల గురించి మాట్లాడింది.
"లైఫ్లో నా ఫస్ట్ ఆడిషన్స్ అది. తేజ నన్ను ఏడవమన్నారు. అయితే నేను నా లైఫ్లో ఏడవడానికి ఏం రీజన్ లేదు. నా మైండ్లో ఎటువంటి ఆలోచనలు రావట్లేదు. నేను ఏడవలేకపోతున్నా అని అన్నాను. వెంటనే మా నాన్న నాతో ఏదో అన్నారు. అది విని నాకు ఏడుపొచ్చింది. అలా ఆ ఆడిషన్స్లో నేను సెలక్ట్ అయ్యాను." అంటూ అప్పటి రోజులను గుర్తు చేసుకుంది.