Manchu Vishnu Kannappa Movie :మంచు విష్ణు డ్రీమ్‌ ప్రాజెక్ట్‌గా తెరకెక్కుతున్న చిత్రం కన్నప్ప. భారీ బడ్జెట్‌తో తెరకెక్కుతున్న ఈ సినిమాలో నార్త్‌ టు సౌత్‌ వరకు పలువురు స్టార్స్‌ భాగం అవుతున్న సంగతి తెలిసిందే. బాలీవుడ్‌ ఖిలాడి అక్షయ్‌ కుమార్తో పాటు పాన్‌ ఇండియా స్టార్ హీరో ప్రభాస్, మలయాళ ప్రముఖ హీరో మోహన్ లాల్, కన్నడ సూపర్‌ స్టార్ శివ రాజ్‌కుమార్‌ ఇలా చాలా మంది అగ్ర హీరోలంతా కన్నప్పలో కీలక పాత్రలు పోషిస్తున్నారు. దీంతో ఈ చిత్రంపై కాస్త ఇంట్రెస్ట్ క్రియేట్ అవుతోంది.
Kannappa Movie Kajal Agarwal :అయితే సినిమాలో ఇంత మంది స్టార్ హీరోలు పాత్రలు చేస్తున్నప్పటికీ హీరోయిన్ ఎవరనేది క్లారిటీ లేదు. ఆ మధ్య నయనతార పార్వతి పాత్రలో నటిస్తోందని కూడా ప్రచారం సాగింది. దీనిపై క్లారిటీ లేదు గానీ ఇప్పుడు మరో స్టార్ హీరోయిన్ పేరు తెరపైకి వచ్చింది. ఇందులో చందమామ కాజల్ అగర్వాల్ ఓ కీలక పాత్రలో నటించనుందని అంటున్నారు. కాగా, గతంలో మోసగాళ్లు సినిమాలో మంచు విష్ణుకు చెల్లెలిగా కాజల్ అగర్వాల్ నటించిన సంగతి తెలిసిందే. మరి ఈ సారి ఎలాంటి పాత్రలో నటిస్తుందో చూడాలి. ఇకపోతే సినిమాకు సంబంధించిన గ్లింప్స్ మే 20న కేన్స్ ఫిల్మ్ ఫెస్టివల్లో రిలీజ్ చేయనున్నట్లు ప్రచారం సాగుతోంది.
ఈ చిత్రానికి కలెక్షన్ కింగ్ మోహన్ బాబు నిర్మిస్తున్నారు. ముఖేష్ కుమార్ సింగ్ దర్శకత్వం వహిస్తున్నారు. సినిమాకు సంబంధించిన ఎక్కువ భాగాం న్యూజిలాండ్‌లోని అందమైన ప్రదేశాల్లో చిత్రీకరించారు. ప్రస్తుతం మిగిలిన చిత్రీకరణ హైదరాబాద్లో జరుగుతోందని తెలిసింది. అక్షయ్‌ కుమార్ ఇప్పటికే తన పాత్రకు సంబంధించిన షూటింగ్‌ను పూర్తి చేసుకున్నారు. రీసెంట్‌గా ప్రభాస్ కూడా కన్నప్ప సెట్‌లో అడుగుపెట్టినట్టు మంచు విష్ణు అఫీషియల్ అనౌన్స్మెంట్ కూడా చేశారు.