Devara Movie California Film Festival : జూనియర్ ఎన్టీఆర్, కొరటాల శివ కాంబినేషన్లో తెరకెక్కిన యాక్షన్ థ్రిల్లర్ మూవీ 'దేవర' త్వరలో అభిమానుల ముందుకు రానుంది. ఈ నేపథ్యంలో ఇప్పటికే ఈ సినిమా గురించి అందరిలోనూ భారీగానే అంచనాలు ఉన్నాయి. ట్రైలర్, సాంగ్స్ ఇలా ఈ చిత్రానికి సంబంధించిన పలు పాయింట్స్ ఆకట్టుకోవడం వల్ల ఫ్యాన్స్ కూడా ఈ సినిమా గురించి ఓ రేంజ్లో వెయిట్ చేస్తున్నారు.
ఇదిలా ఉండగా, రిలీజ్కు ముందు నుంచే పలు రికార్డులను తన ఖాతాలో వేసుకుంటున్న 'దేవర' తాజాగా మరో ఘనతను సొంతం చేసుకుంది. కాలిఫోర్నియాలోని లాస్‌ ఏంజెలిస్‌ వేదికగా ప్రారంభం కానున్న అతిపెద్ద జానర్‌ ఫిల్మ్ ఫెస్టివల్ 'బియాండ్‌ ఫెస్ట్‌'లో ఈ సినిమాను ప్రదర్శించనున్నారు. సెప్టెంబర్‌ 25 నుంచి అక్టోబర్‌ 9 వరకు ఈ ఈవెంట్ జరగనుండగా, సెప్టెంబర్‌ 26 సాయంత్రం ఈజిప్టియన్‌ థియేటర్‌లో అక్కడి ప్రేక్షకులతో పాటు ప్రముఖులు కూడా ఈ చిత్రాన్ని వీక్షించనున్నారు. ఇక ఈ సినిమా ఈవెంట్ కోసం జూనియర్ ఎన్టీఆర్ సెప్టెంబర్‌ 25న అమెరికా వెళ్లనున్నారని సినీవర్గాల మాట.
ఇక ఈ సినిమాకు సెన్సార్‌ బోర్డు యూ/ఏ (U/A) సర్టిఫికెట్‌ జారీ చేసింది. కాగా, సినిమా రన్టైమ్ 2 గంటల 57 నిమిషాల 58 సెకన్ల పాటు ఉండనుంది. స్టార్ డైరెక్టర్ కొరటాల శివ 'జనతా గ్యారేజ్' తర్వాత ఎన్టీఆర్తో తీసిన సినిమా కావడం వల్ల దీనిపై అంచనాలు భారీగా ఉన్నాయి. ఇక మూవీలో విజువల్స్‌ అద్భుతంగా ఉంటాయని, చివరి 40 నిమిషాలు సినిమాలో హైలైట్‌ అని హీరో ఎన్టీఆర్ ముంబయిలో జరిగిన ట్రైలర్ లాంచ్‌ ఈవెంట్‌లో ఎన్టీఆర్ అంచనాలు రెట్టింపు చేశారు.