IMDB Top Rated Movies :ప్రముఖ ఎంటర్‌టైన్‌మెంట్‌ పోర్టల్‌ ఐఎండీబీలో పలు ఇండియన్ సినిమాలకు టాప్ రేటింగ్స్ ఇచ్చింది. అందులో తెలుగు సినిమా కూడా ఉంది. మరి ఆ సినిమాలు ఏవి. ఓటీటీలో వాటిని ఎక్కడ చూడచ్చో ఈ స్టోరీలో తెలుసుకుందాం.
12th ఫెయిల్ : మనోజ్ కుమార్ శర్మ అనే ఐపీఎస్ జీవిత కథ ఆధారంగా తీశారు ఈ చిత్రం. ఇందులో మనోజ్ పాత్రను బాలీవుడ్ స్టార్ హీరో విక్రాంత్ మాసే పోషించారు. ఒక పేద కుటుంబానికి చెందిన అబ్బాయి 12వ తరగతి ఫెయిలైనా కూడా సరే పట్టుదలతో ఇండియన్ పోలీస్ సర్వీస్ లో ఉద్యోగం తెచ్చుకునే స్థాయికి ఎలా ఎదిగాడు అనేదే ఈ మూవీ స్టోరీ. ఈ చిత్రానికి IMDB 9 పాయింట్ల రేటింగ్ ఇచ్చింది. ప్రముఖ ఓటీటీ సంస్థ డిస్నీ ప్లస్ హాట్ స్టార్ వేదికగా స్ట్రీమ్ అవుతోంది.
సీతారామం :మల్లు స్టార్ హీరో దుల్కర్ సల్మాన్, బీటౌన్ బ్యూటీ మృణాల్ ఠాకూర్ జంటగా నటించిన ఈ చిత్రం అటు కమర్షియల్ సక్సెస్గానే కాకుండా క్రిటిక్స్ నుంచి మంచి రివ్యూలు కూడా అందుకుంది. ఇండియన్ ఆర్మీలో పనిచేస్తున్న రామ్ ఉత్తరాల ద్వారా పరిచయమైన సీతను ప్రేమిస్తాడు. ఆ తర్వాత వాళ్లిద్దరు పెళ్లి చేసుకోవాలి అనుకుంటారు కానీ ఒక రహస్య మిషన్ మీద రామ పాకిస్థాన్ వెళ్లాల్సి వస్తుంది. అలా వెళ్లిన రామ్ కోసం సీత ఎదురుచూస్తూ ఉంటుంది. ప్రేమ, దేశభక్తితో పాటు సెంటిమెంట్, మనసుకి నచ్చే పాటలు ఈ మూవీకి 8.5 రేటింగ్ ఇచ్చింది ఐఎండీబీ. ప్రముఖ ఓటీటీ సంస్థ డిస్నీ ప్లస్ హాట్ స్టార్లో ఈ సినిమా అందుబాటులో ఉంది.
హిడెన్ ఫిగర్స్ : 2016లో విడుదలైన ఈ చిత్రం బాక్సాఫీస్ వద్ద మంచి టాక్ అందుకుంది. ముగ్గురు మహిళా ఆఫ్రికన్ అమెరికన్ గణిత శాస్త్రజ్ఞుల చుట్టూ తిరుగుతుంది ఈ స్టోరీ. ఈ మూవీకి 7.8 IMDB రేటింగ్ ఉంది. ప్రముఖ ఓటీటీ ప్లాట్ఫామ్లో డిస్నీ ప్లస్ హాట్ స్టార్లో ఈ సినిమాను చూడొచ్చు.
షాంగ్ చి : మార్వెల్ సినిమాటిక్ యూనివర్స్కు చెందిన మొట్టమొదటి ఆసియా సూపర్ హీరో షాంగ్ చి. ఈ చిత్రం కూడా కూడా బ్లాక్ పాంథర్ తరహాలో ఉంటుంది. ఇక ఈ మూవీకి సినిమాకి 7.4 IMDB రేటింగ్ వచ్చింది.