Game Changer Pre Release Event: గ్లోబల్ స్టార్ రామ్చరణ్- శంకర్ కాంబినేషన్లో తెరకెక్కుతున్న మూవీ 'గేమ్ ఛేంజర్'. 2025 జనవరి 10న ఈ చిత్రం ప్రేక్షకుల ముందుకు రానుంది. ఈ నేపథ్యంలో ఓ వైపు శరవేగంగా షూటింగ్ పనులు జరుపుకుంటున్న ఈ సినిమా, మరోవైపు ప్రమోషన్స్తోనూ సందడి చేస్తోంది. ఇటీవల టీజర్ లాంఛ్ ఈవెంట్ గ్రాండ్గా జరగ్గా, మేకర్స్ తాజాగా ప్రీ రిలీజ్ ఈవెంట్ డేన్ అనౌన్స్ చేశారు. ఈ నేపథ్యంలో 'గేమ్ఛేంజర్' తొలి ఇండియన్ సినిమాగా రికార్డు సృష్టించనుంది. మరి అదేంటంటే?
ఈ సినిమా ప్రీ రిలీజ్ ఈవెంట్ను అమెరికాలో గ్రాండ్గా నిర్వహించనున్నట్లు మేకర్స్ వెల్లడించారు. టెక్సాస్లోని కర్టిస్ కల్వెల్ సెంటర్, 4999 నామన్ ఫారెస్ట్ గార్లాండ్ TX 75040లో ఈవెంట్ జరగున్నట్లు పేర్కొన్నారు. ఈ క్రమంలో అమెరికాలో ప్రీ రిలీజ్ ఈవెంట్ జరుపుకుంటున్న తొలి భారతీయ సినిమాగా 'గేమ్ఛేంజర్' అరుదైన ఘనత సాధించనుంది. ఈ మేరకు మేకర్స్ ఓ పోస్టర్ రిలీజ్ చేశారు. దానికి 'అమెరికాలో మెగా మాస్ ఈవెంట్' అంటూ క్యాప్షన్ రాసుకొచ్చారు. కాగా, ఈ ఈవెంట్కు హాజరు కానున్న గెస్ట్ల గురించి తెలియాల్సి ఉంది.
ఇక సినిమా విషయానికొస్తే, సీనియర్ డైరెక్టర్ శంకర్ అత్యంత ప్రతిష్ఠాత్మకంగా ఈ సినిమా తెరకెక్కించారు. ఈ సినిమాలో రామ్చరణ్ డ్యుయెల్ రోల్లో కనిపించనున్నారని టాక్ వినిపిస్తోంది. సీనియర్ నటులు యస్ జే సూర్య, అంజలీ, శ్రీకాంత్ తదితరులు ఆయా పాత్రల్లో కనిపించనున్నారు. మ్యూజిక్ సంచలనం తమన్ సంగీతం అందించారు. శ్రీ వేంకటేశ్వర బ్యానర్పై దిల్రాజు భారీ బడ్జెట్తో తెలుగు, తమిళం, హిందీ భాషల్లో నిర్మించారు.