woman delivered in RTC Bus in Gadwal : ఆర్టీసీ బస్సులో పురిటి నొప్పులతో బాధపడుతున్న ఓ గర్భిణికి తోటి మహిళా ప్రయాణికులు సాయం చేసి పురుడు పోసి మానవత్వం చాటుకున్నారు. ఈ ఘటన జోగులాంబ గద్వాల జిల్లాలో చోటుచేసుకుంది. జోగులాంబ గద్వాల జిల్లాలో కేటి దొడ్డి మండలం గువ్వలదిన్నె గ్రామానికి చెందిన మరియమ్మకు కర్ణాటకలోని రాయచూర్ జిల్లాలోని బావి దొడ్డి గ్రామానికి చెందిన నరేశ్తో వివాహం జరిగింది. ఈ నేపథ్యంలో మరియమ్మ గర్భిణి కాగా ఓ ప్రభుత్వ ఆసుపత్రికి వెళ్లేందుకు రాయచూర్ నుంచి గద్వాల్కు వెళ్లే తెలంగాణ ఆర్టీసీ బస్సు ఎక్కారు.
ఆర్టీసీ బస్సులో ప్రయాణిస్తున్న క్రమంలో మరియమ్మకు పురిటి నొప్పులు వచ్చాయి. ఈ విషయాన్ని గమనించిన తోటి ప్రయాణికులు డ్రైవర్కు చెప్పి బస్సును రోడ్డు పక్కన నిలిపివేశారు. ఈ క్రమంలో మరియమ్మకు పురిటి నొప్పులు తీవ్రం కావడంతో బస్సులోనే మహిళలందరూ కలిసి ఆమెకు పురుడు పోశారు. సాటి మహిళా ప్రయాణికుల సాయం చేసి ఆమెకు సాధారణ ప్రసవం చేశారు. అనంతరం మెరుగైన వైద్యం కోసం ఆర్టీసీ సిబ్బంది 108 అంబులెన్స్లోని వారిని గద్వాల ప్రభుత్వ ఆసుపత్రికు తరలించారు. దీంతో తల్లీబిడ్డలు క్షేమం ఉన్నారు.
2024లో ఓ మహిళ కూడా బస్సులోనే ప్రసవం : గతంలోనూ ఈ తరహా ఘటనలు ఆర్టీసీ బస్సులో జరిగాయి. 2024 జులైలో ఆర్టీసీ బస్సులో పురిటి నొప్పులతో బాధపడుతున్న ఓ గర్భిణికి ఆర్టీసీ కండక్టర్, తోటి మహిళా ప్రయాణికుల సాయంతో పురుడు పోశారు. దీనికి స్పందించిన మంత్రి పొన్నం ప్రభాకర్, ఆర్టీసీ ఎండీ సజ్జనార్ వారిని అభినందించారు. సామాజిక సేవలో ఆర్టీసీ సిబ్బంది ఉండటం అభినందనీయం అని మంత్రి పొన్నం కితాబు ఇవ్వగా టీజీఎస్ఆర్టీసీ బస్సులో పురిటి నొప్పులతో బాధపడుతున్న ఓ గర్భిణికి ఆర్టీసీ మహిళ కండక్టర్ పురుడు పోసి మానవత్వం చాటుకున్నారని ఆ సంస్థ మేనేజింగ్ డైరెక్టర్ సజ్జనార్ అభినందించారు. మహిళ కండక్టర్తోపాటు తోటి మహిళ ప్రయాణికులు కూడా సాయం చేసి సాధారణ ప్రసవం చేశారని ఎక్స్ వేదికగా మెచ్చుకున్నారు. ఈ పూర్తి కథనం కోసం ఇక్కడ క్లిక్ చేయండి.
ఆర్టీసీ బస్సులో ప్రసవించిన మహిళ- పండంటి బిడ్డకు జన్మ- ఇద్దరూ సేఫ్ - Woman Gave Birth To Baby In Bus
'ఆ నలుగురు!'.. ప్రాణం నిలిపిన అంబులెన్స్ డ్రైవర్లు.. జీవం పోసిన కానిస్టేబుళ్లు!
