Lucas Bravo About Ram Charan:గ్లోబల్ స్టార్ రామ్చరణ్ నటనపై ఫ్రెంచ్ నటుడు లుకస్ బ్రావో ప్రశంసలు కురిపించారు. ఆర్ఆర్ఆర్ సినిమాలో రామ్చరణ్ పాత్ర అద్భుతంగా ఉందంటూ కొనియాడారు. తాజాగా ఆన్లైన్ ద్వారా ఓ ఇంటర్వ్యూలో పాల్గొన్న లుకస్ బ్రావో చెర్రీపై ఇంట్రెస్టింగ్ కామెంట్స్ చేశారు. ఈ ఇంటర్వ్యూలో 'మీరు ఇష్టపడే ఇండియన్ మూవీ లేదా ఇండియన్ నటుడు ఎవరు' యాంకర్ అని అడిగారు.
దీనికి లూకాస్ బ్రావో సమాధానంగా రామ్చరణ్ పేరు చెప్పుకొచ్చారు. 'ఆర్ఆర్ఆర్'లో మెయిన్‌ హీరో రామ్చరణ్ నటన అద్భుతం. ఎంట్రీ సీన్‌, ఎమోషనల్‌ సన్నివేశాల్లో బాగా నటించారు. యాక్షన్‌ సీక్వెన్స్‌లలోనూ ఆకట్టుకున్నారు' అని బ్రావో అన్నారు. ప్రస్తుతం ఈ వీడియో సోషల్ మీడియాలో వైరల్గా మారింది. దీంతో మళ్లీ ఆర్ఆర్ఆర్ ట్రెండింగ్లోకి వచ్చింది. మరోవైపు ఈవీడియోను రామ్చరణ్ ఫ్యాన్స్ షేర్ చేస్తున్నారు.
కాగా, 2022లో దర్శకధీరుడు రాజమౌళి తెరకెక్కించిన ఆర్ఆర్ఆర్ భారీ విజయం సొంతం చేసుకుంది. ఈ సినిమాలో జూనియర్ ఎన్టీఆర్, రామ్చరణ్ కీలక పాత్రల్లో నటించి మెప్పించారు. ఇక ఈ మూవీ వరల్డ్వైడ్గా రూ.1000కోట్లకు పైగా వసూళ్లు సాధించి, అనేక రికార్డులు బ్రేక్ చేసింది. అంతర్జాతీయ వేదికల్లోనూ ఆర్ఆర్ఆర్ సత్తా చాటింది. సినిమాలోని 'నాటు నాటు' పాటకుగాను 2023 ఆస్కార్ అవార్డ్ దక్కింది.