ED Sheeran on Naatu Naatu RRR: దర్శకధీరుడు రాజమౌళి అత్యంత ప్రతిష్ఠాత్మకంగా తెరకెక్కించిన 'ఆర్ఆర్ఆర్' సినిమా 2022లో భారీ విజయం దక్కించుకుంది. ఈ సినిమాలో నటించిన అగ్ర హీరోలు జూనియర్ ఎన్టీఆర్, రామ్చరణ్ ఒక్కసారిగా గ్లోబల్ స్టార్లుగా ఎదిగారు. ఈ సినిమాలోని పాట 'నాటు నాటు'కు సైతం గతేడాది ఆస్కార్ అవార్డు వరించింది. దీంతో 'ఆర్ఆర్ఆర్' ఖ్యాతి ప్రపంచం నలుమూలలా వ్యాపించింది.
అక్కడితో ఆగకుండా అనేక దేశాల్లో ఈ మూవీకి సూపర్ రెస్పాన్స్ వచ్చింది. ఇక రీసెంట్గా 2024 ఆస్కార్ అవార్డు వేదిక బ్యాక్గ్రౌండ్లో 'నాటు నాటు' విజువల్స్ ప్లే చేయడం వల్ల మళ్లీ సినిమా ట్రెండింగ్లో నిలిచింది. తాజాగా మరోసారి 'ఆర్ఆర్ఆర్' పేరు ఇంటర్నెట్లో ట్రెండ్ అవుతోంది. హాలీవుడ్ సింగర్ ఎడ్ షీరన్ (Ed Sheeran) ఈ మూవీపై ప్రశంసలు కురిపించారు. నిడివి 3 గంటలు ఉన్నప్పటికీ ఇది అద్భుతమైన సినిమా అని కొనియాడారు.
'దాదాపు ఏడాది కిందట నా టీమ్మేట్స్తో కలిసి ఈ సినిమా (ఆర్ఆర్ఆర్) చూశాను. ఈ సినిమాలో డాన్స్ ఓ రెంజ్లో ఉంది. సినిమా కూడా అద్భుతంగా ఉంది. ఇది 3 గంటలపాటు సాగిన ఓ అద్భుతమైన సినిమా. ఓవరాల్గా సినిమా, టెక్నికల్ విలువలు నన్నెంతగానో ఆకట్టుకున్నాయి. నాకు తెలిసి ఆర్ఆర్ఆర్ బాలీవుడ్ సినిమా కదా?' అని షీరన్ అన్నారు. వెంటనే 'కాదు కాదు అది ఇండియన్ ఫిల్మ్' అని యాంకర్ షీరన్కు చెప్పారు. ఇక ఈ వీడియోను ఆర్ఆర్ఆర్ అఫీషియర్ ట్విట్టర్ పేజ్లో షేర్ చేసింది. 'మీకు నాటు నాటు తెలుసా? అవునుఎడ్ షీరన్కు నాటు కంటే ఎక్కువే తెలుసు' అని క్యాప్షన్ రాసుకొచ్చింది. ఇక షీరన్ రీసెంట్గా అల్లు అర్జున్- పూజా హెగ్డే బ్లాక్బస్టర్ హిట్ మూవీ 'అల వైకుంఠపురం'లోని 'బుట్ట బొమ్మ' పాటకు డాన్స్ చేశారు. ఈ వీడియో కూడా ట్విట్టర్లో బాగా వైరలైంది. ఇక 2022లో రిలీజైన ఆర్ఆర్ఆర్ వరల్డ్వైడ్గా దాదాపు రూ.1200 కోట్లు వసూల్ చేసింది.
ఆస్కార్ వేదికపై మరోసారి 'నాటు నాటు'- టాలీవుడ్ రేంజ్ అట్లుంటది మరి
ఆస్కార్ @96 : గతేడాది 'నాటు నాటు'కు - మరి ఈ సారి కూడా భారత్కు దక్కేనా?
