Viswambara Movie Shooting : బింబిసార దర్శకుడు వశిష్ట మల్లిడి - మెగాస్టార్ చిరంజీవి కాంబోలో తెరకెక్కుతున్న సోషియో ఫాంటసీ భారీ బడ్జెట్ చిత్రం విశ్వంభర. త్రిష హీరోయిన్గా నటిస్తోంది. వచ్చే ఏడాది సంక్రాంతికి ప్రేక్షకుల ముందుకు తీసుకొచ్చేందుకు ప్రయత్నాలు జరుగుతున్నాయి అయితే ప్రస్తుతం షూటింగ్ దశలో ఉన్న ఈ చిత్రం గురించి పలు ఆసక్తికర విషయాలు బయటికొచ్చాయి.
అప్పటికీ పూర్తయ్యేలా - విశ్వంభర టాకీ పార్ట్ షూటింగ్ పూర్తైనట్లు తెలిసింది. కేవలం రెండు పాటలు మాత్రమే బ్యాలెన్స్ ఉన్నాయట. హీరో ఇంట్రడక్షన్ సాంగ్తో పాటు ఒక స్పెషల్ సాంగ్, క్లైమాక్స్ ఫైట్ మాత్రమే మిగిలి ఉందని తెలిసింది. తమిళ స్టంట్ మాస్టర్ అన్ల్ అరసు ఈ యాక్షన్ సీక్వెన్స్‌ను కొరయోగ్రాఫీ చేయనున్నారట. ఆగస్తు నెలాఖరులోగా షూటింగ్ మొత్తం పూర్తి చేసే దిశగా ముందుకెళ్తున్నారని సమాచారం అందింది
సినిమాలో మొత్తం ఐదు పాటలు ఉండనున్నాయని తెలిసింది. ఇప్పటికే కీరవాణి అన్నింటినీ కంపోజ్ చేసేశారట. 3 పాటల చిత్రీకరణ కూడా పూర్తైపోయింది. రీసెంట్గా మూవీటీమ్ 5 రోజుల పాటు బెంగళూరు వెళ్లింది. అప్పుడే హీరో ఇంట్రడక్షన్ సాంగ్‌ను కీరవాణి కంపోజ్ చేశారు.
వీఎఫ్ఎక్స్ వర్క్, ఎడిటింగ్ ఒకేసారి శరవేగంగా జరుగుతున్నాయట. దీని వల్ల పోస్ట్ ప్రొడక్షన్ పనులు త్వరగా పూర్తి కానున్నాయి. ఫలితంగా 2025 సంక్రాంతి రిలీజ్ కోసం ప్రమోషన్‌లు చేయడానికి మేకర్స్‌కు కావాల్సినంత సమయం దొరకనుంది. అలానే సినిమాను ప్రమోట్ చేయడానికి నిర్మాతలు, దర్శకుడు వినూత్నంగా ఆలోచిస్తున్నారట.