నిహారిక డివోర్స్​ ఇంటర్వ్యూ - ఘాటుగా రియాక్టైన మాజీ భర్త చైతన్య!

Chaitanya Jonnalagadda Reaction On Niharika Divorce Interview : పెళ్లైన కొన్ని ఏళ్లకే విడాకులు తీసుకోవడంపై నటి నిహారిక ఓ ఇంటర్వ్యూలో స్పందించిన సంగతి తెలిసిందే. అయితే దీనిపై ఆమె మాజీ భర్త చైతన్య జొన్నలగడ్డ ఘాటుగా రియాక్ట్ అయ్యారు. అసలేం జరిగింది? వారిద్దరు ఏమన్నారు?

Chaitanya Jonnalagadda Reaction On Niharika Divorce Interview :చైతన్య జొన్నలగడ్డ- నిహారిక కొణిదెల కొద్ది నెలల ముందువరకు భార్యాభర్తలు. పలు వ్యక్తిగత కారణాలతో వీరిద్దరూ గతేడాది కోర్టులో విడాకులు తీసుకున్నారు. ఈ క్రమంలో విడిపోయినప్పటి నుంచి తన వ్యక్తిగత జీవితంపై ఎక్కడా నోరు విప్పని నిహారిక తాజాగా ఓ ఇంటర్వ్యూలో మాట్లాడారు. ఓ ప్రముఖ యూట్యూబర్​కు ఇచ్చిన ఇంటర్వ్యూలో తన పర్సనల్​ లైఫ్​ గురించి పలు ఆసక్తికరమైన కామెంట్స్​ చేశారు. నిహారికతో చేసిన పాడ్​కాస్ట్ వీడియోను తన అఫీషియల్​ ఇన్​స్టాగ్రామ్​ అకౌంట్​లో పోస్ట్ చేశారు యాంకర్​​. ప్రస్తుతం ఈ కామెంట్స్​పైనే ఘాటుగా స్పందించారు ఆమె మాజీ భర్త చైతన్య జొన్నలగడ్డ.

మాజీ భర్త రియాక్షన్​!
'ఇటీవల నిహారికపై జరుగుతున్న అన్యాయమైన నెగిటివిటీని దూరం చేయడానికి మీరు చేసిన ఈ ప్రయత్నాన్ని నేను నిజంగా అభినందిస్తున్నా. ఇలాంటి నెగటివిటీ వల్ల ఏర్పడే పర్సనల్​ ప్రెషర్​ను ఫేస్​ చేయడం అంత ఈజీ కాదనే విషయం నాకూ తెలుసు. అయితే పర్సనల్​ లైఫ్​కు సంబంధించి బాధితురాలి పక్షాన్నే మాట్లాడటం, వారి వెర్షన్​నే వినిపించడం సరికాదు. ఇటువంటి వన్​సైడ్​ వెర్షన్​ల​ను ఇతరులకు మరింత చేరువ చేసేందుకు ఇలాంటి ప్లాట్‌ఫామ్స్​ను ఉపయోగించడం మానేయాలి. ఇలా జరగడం ఇది రెండోసారి. పెళ్లి అయ్యాక ఇద్దరికీ సెట్​ కాకపోవడం వల్ల కలిగే బాధ, తద్వారా దాని నుంచి బయటపడడం అనేది రెండువైపులా ఒకేవిధంగా ఉంటుంది' అంటూ తీవ్రంగా రియాక్ట్​ అయ్యారు చైతన్య జొన్నలగడ్డ.

'ఇద్దరి మధ్య జరిగిన విడాకుల విషయం గురించి అది కూడా ఆ ప్రక్రియ పూర్తైన తర్వాత దాని గురించి అస్సలు చర్చించకూడదు. మరీ ముఖ్యంగా దీనిపై ఒకరివైపు నుంచే మాట్లాడడం సరైంది కాదు. అయితే పెళ్లిబంధం విఫలమైన తర్వాత కలిగే బాధ గురించి, దాని నుంచి బయటకురావడం గురించి జనరలైజ్​ చేసి మాట్లాడవచ్చు. ఈ చర్చ ఇతరులకు ఉపయోగపడవచ్చు. ఈ అంశంపై మీరు ప్రజలకు నిజంగా అవగాహన కల్పించాలనుకుంటే, రెండు వైపులా నుంచి నిజాలను తెలుసుకుంటే మంచిది. భవిష్యత్తులో ఇటువంటి ఇంటర్వ్యూలు చేసేముందు ఇలాంటి జాగ్రత్తలు తీసుకోవాలని సూచిస్తున్నాను. అలా అయితేనే పాడ్​కాస్ట్​లు చేయండి. కానీ, విషయాలను పూర్తిగా తెలుసుకోకుండా ప్రజలకు అసత్యాలను ప్రచారం చేయడం అనేది అన్యాయం. నాణేనికి రెండువైపులా చూపిస్తేనే అది నిజం అవుతుంది తప్ప, ఒక్కసైడ్​ మాత్రమే చూపించి అదే నిజమని చెబితే మీరు అబద్ధాన్ని ప్రజల్లోకి తీసుకెళ్లిన వాళ్లవుతారు. ఇదంతా మీకు క్లియర్​గా అర్థమైందని అనుకుంటున్నా. ధన్యవాదాలు' అంటూ పోస్ట్​ చేసిన వీడియోకు కామెంట్ సెక్షన్​లో రాసుకొచ్చారు.

ఇంటర్వ్యూలో నిహారిక ఏం మాట్లాడారంటే?
'మా ఇద్దరిది ప్రేమ వివాహం కాదు. వివాహం అయిన మూడేళ్లలోపే విడిపోవడం అనేది ఎంతో క్లిష్టమైన సందర్భం. ప్రతిఒక్కరి జీవితంలో పెళ్లి అనేది చిన్న విషయం కాదు. జీవితాంతం కలిసి ఉండాలనే ఎవరైనా పెళ్లి చేసుకుంటారు. నేనూ అదే ఉద్దేశంతోనై ఆ దిశగా అడుగులు వేశా. అయితే నేను అనుకున్న విధంగా మాత్రం పరిస్థితులు లేవు. ఈ సందర్భంలో మనుషులను అంత ఈజీగా నమ్మకూడదనే విషయాన్ని అర్థం చేసుకున్నా. ఈ క్రమంలో నేనొక జీవిత పాఠం నేర్చుకున్నా. లైఫ్​ ఇక్కడితో ఎండ్​ అవ్వలేదని తెలుసుకున్నా. ఆ కాన్సెప్ట్​తోనే ముందుకు సాగుతున్నా. సోషల్​ మీడియా వేదికగా చాలామంది నా గురించి ఇష్టం వచ్చినట్లు మాట్లాడారు. వాటన్నింటినీ చూసి ఎంతో బాధపడ్డాను. అలాంటి క్షణాలు నా లైఫ్​లో ఎన్నో ఉన్నాయి. కానీ, నా జీవితంలో నేను ఎలాంటి ప్రాబ్లమ్స్​ ఫేస్​ చేశానో నాకు మాత్రమే తెలుసు. ఇది నాకెంతో క్రిటికల్​ స్టేజ్​. ఇలాంటి తరుణంలో బాధను తట్టుకోలేక చాలాసార్లు ఏడ్చేశాను. అటువంటి క్లిష్ట సమయాల్లో నాన్న అండగా నిలబడి నాకు ధైర్యం చెప్పారు. కుటుంబసభ్యులందరూ నాకు తోడుగా నిలిచారు. వీరందరూ నన్ను ఎప్పటికీ ఓ భారం మాత్రం అనుకోలేదు. ప్రస్తుతానికైతే కేవలం నా సెల్ఫ్​కేర్​పైనే మొత్తం దృష్టి పెట్టాను. నేను హ్యాపీ లైఫ్​ను లీడ్​ చేస్తూ నా ఫ్యామిలీకి అన్నివిధాలుగా సపోర్ట్​గా నిలవాలనుకుంటున్నా' అంటూ తన మనసులోని మాటలను బయటపెట్టారు నిహారిక.

"పెళ్లి చేసుకునే ముందు ప్రతి ఒక్కరూ ఒకరి గురించి మరొకరు తెలుసుకోవాలి. అలా వీలుకాకపోతే మనకు సెట్​ అవ్వని వ్యక్తిపై డిపెండ్​ అవ్వకూడదు. అలాంటి వాళ్లు మన తల్లిదండ్రుల్లా మనల్ని చూసుకోరు. నా విషయంలో మా ఇద్దరికి సెట్ అవ్వలేదు. కలిసి ఉండాలనే నేను కోరుకున్నా. కానీ, అన్నీ మనం అనుకున్నట్లు జరగవు కదా. ఈ సమయంలో కుటుంబం విలువ ఏంటో నాకు తెలిసొచ్చింది. నేను సింగిల్​గా ఉండాలనుకోవడం లేదు. నా వయసు ఇంకా 30యే కాబట్టి మంచి వ్యక్తి ఎదురైతే కచ్చితంగా పెళ్లి గురించి ఆలోచిస్తా."
- నిహారిక కొణిదెల, మెగా డాటర్​