గ్రాండ్​గా అనంత్, రాధిక సంగీత్- ఈవెంట్​లో సెలబ్రిటీల డ్యాన్స్​ పెర్ఫార్మెన్స్​ - Anant Ambani Radhika Merchant

Anant Ambani Radhika Merchant Sangeeth: అనంత్- రాధిక సంగీత్​లో టాలీవుడ్, బాలీవుడ్ ఇండస్ట్రీలకు చెందిన సెలబ్రిటీలు హాజరయ్యారు. హుషారుగా డ్యాన్స్​ చేస్తూ సందడి చేశారు.

Anant Ambani Radhika Merchant Sangeeth:దిగ్గజ వ్యాపారవేత్త ముకేశ్ అంబానీ చిన్న కుమారుడు అనంత్ అంబానీ- రాధికా మర్చంట్ వివాహ వేడుకలు ఘనంగా జరుగుతున్నాయి. ఈ నేపథ్యంలో శుక్రవారం (జులై 5) ముంబయి జియో సెంటర్​లో సంగీత్ ఈవెంట్ గ్రాండ్​గా జరిగింది. ఈ ఈవెంట్​లో మొదట అంబానీ ఫ్యామిలీ డ్యాన్స్ చేసింది. ఆకాశ్ అంబానీ, ఇషా, నితా అంబానీ డ్యాన్స్ పెర్ఫార్మెన్స్​తో ఆకట్టుకున్నారు.

సెలబ్రిటీల సందడి:సంగీత్ ఈవెంట్​కు టాలీవుడ్, బాలీవుడ్ ఇండస్ట్రీకి చెందిన సెలబ్రిటీలు హాజరై సందడి చేశాడు. టాలీవుడ్ స్టార్ హీరోయిన్ కాజల్ అగర్వాల్, పూజా హెగ్డే, రకుల్ ప్రీత్ సింగ్​ సంగీత్ ఈవెంట్​కు హాజరయ్యారు. ఇక జాన్వీ కపూర్, రిచా సిన్హా, సారా అలీఖాన్, అనన్య పాండే, నేహ శర్మ, ఆయేషా శర్మ, దిశా పటానీ హాజరయ్యారు.

కపుల్స్ హంగామా: అనంత్- రాధిక సంగీత్​ ఈవెంట్​లో బాలీవుడ్​కు చెందిన క్యూట్ కపుల్స్ కూడా పాల్గొని డ్యాన్స్​ చేశారు. రణ్​బీర్ సింగ్- ఆలియా భట్​, కియారా అడ్వాణీ- సిద్ధార్థ్ మల్హోత్రా, జెనీలియా- రితేశ్ దేశ్​ముఖ్, కాజల్- గౌతమ్ కిచ్లు, రకుల్​ప్రీత్ సింగ్- జాకీ భగ్నానీ, అట్లీ- ప్రియా, అర్జున్ కపూర్- మీరా సందడి చేశారు.

అనంత్​తో సల్మాన్ స్టెప్పులు:బాలీవుడ్ స్టార్ హీరో సల్మాన్ ఖాన్ పెళ్లి కొడుకు అనంత్ అంబానీతో కలిసి స్టెప్పులేశారు. మరోవైపు జాన్వీ కపూర్​తో అర్జున్ కపూర్ చిందులేశారు. వీరిద్దరూ లైవ్ పెర్ఫార్మెన్స్​తో ఆకట్టుకున్నారు.

హాలీవుడ్ సింగర్:కాగా, కెనడాకు చెందిన పాప్ సింగర్ జస్టిన్ బీబర్ సంగీత్‌లో ప్రదర్శన ఇచ్చేందుకు ముంబయి వచ్చాడు. అతడికి రెమ్యూనరేషన్​గా అంబానీ ఫ్యామిలీ రూ.83కోట్ల మేర డబ్బు ఆఫర్‌ చేసిందని తెలిసింది. ఇక ఈ సంగీత్ కార్యక్రమంలో బీబర్ తన గాత్రంతో అతిథులందరినీ ఆకట్టుకున్నాడు.

అనంత్-రాధిక వెడ్డింగ్ షెడ్యూల్
జులై 12 నుంచి మూడు రోజుల పాటు అనంత్ అంబానీ-రాధిక మర్చంట్ వివాహ వేడుకలు జరగనున్నాయి. జులై 12న శుభ్‌ వివాహ్‌తో పెళ్లి వేడుకలు ప్రారంభం కానున్నాయి. జులై 13న శుభ్‌ ఆశీర్వాద్‌ కార్యక్రమం జరగనుంది. జులై 14న మంగళ్‌ ఉత్సవ్​తో వివాహ వేడుకలు ముగుస్తాయి.