Bigg Boss Season 8 Wild Card Entries :బిగ్బాస్ సీజన్ 8లో "ట్విస్ట్లకు, టర్న్లకు, ఫన్లకు.. ఎంటర్టైన్మెంట్కి లిమిటే లేదు" అంటూ హోస్ట్ నాగార్జున ముందే చెప్పారు. కానీ, షో స్టార్ట్ అయి ఇన్ని రోజులైనా కూడా పెద్ద షాకింగ్ విషయాలు ఏవీ జరగలేదనేది ఆడియన్స్ ఫీలింగ్. అయితే తాజాగా హౌజ్లోని కంటెస్టెంట్లకు దిమ్మతిరిగే రేంజ్లో ట్విస్ట్ ఇచ్చాడు బిగ్బాస్. అది కేవలం హౌజ్మేట్స్కు మాత్రమే కాదు.. షో చూసే ఆడియన్స్కు పెద్ద షాక్ అనే చెప్పొచ్చు. దీనికి సంబంధించి ప్రోమో కూడా రిలీజ్ అయ్యింది. ఆ వివరాలు చూస్తే..
ప్రోమోలో ఏముందంటే..?:హౌజ్లో సభ్యులందరూ లివింగ్ రూమ్లోని సోఫాలో కూర్చున్న తర్వాత.. బిగ్బాస్ ఓ పెద్ద భూకంపం రాబోతుందని చెప్పారు. 'మీ మనుగడను సవాల్ చేస్తూ.. మిమ్మల్ని ఇంట్లో నుంచి బయటికి తీసుకెళ్లొచ్చు' అంటూ అందరినీ బయపెట్టాడు. అలాగే "ఇప్పటి వరకు బిగ్బాస్ చరిత్రలో ఎన్నడూ లేనంతగా.. ఒకటి కాదు, రెండు కాదు.. ఐదు కాదు.. ఏకంగా 12 వైల్డ్కార్డ్ ఎంట్రీలు మరో రెండు వారాల్లో రాబోతున్నాయి" అని ప్రకటించాడు. దీంతో కంటెస్టెంట్లందరూ షాక్ అయ్యి.. ఓ మై గాడ్ అంటూ అరిచారు.
అయితే, ఈ సారి వైల్డ్కార్డ్ ఎంట్రీస్కు సంబంధించి మరో ట్విస్ట్ ఇచ్చాడు బిగ్బాస్. అదే వైల్డ్కార్డ్ ఎంట్రీలను ఆపే పవర్. ఈ పవర్ అందరి హౌజ్మేట్స్కి లభిస్తుంది. అది ఎలా అంటే.. 'సర్వైవల్ ఆఫ్ ఫిట్టెస్ట్' ఛాలెంజ్లను గెలవడం ద్వారా. అంటే హౌజ్లోని 11 మంది సభ్యులు బిగ్బాస్ ఇచ్చే 12 ఛాలెంజ్లను ఆడాలి. ప్రతి ఛాలెంజ్ని గెలిచినప్పుడల్లా ఒక వైల్డ్ కార్డ్ ఎంట్రీని హౌజ్మేట్స్ ఆపొచ్చు. ఇలా చెప్పగానే కంటెస్టెంట్లకి కాసేపు షాక్ తగిలినట్లైపోయింది.
ప్లాన్ ఇదే కావొచ్చు!!:బిగ్బాస్ 12 టాస్కులు పెడితే ఎలాగూ అన్నింట్లోనూ గెలవలేరు.. అలా అని ప్రతి టాస్క్లో ఓడిపోరు కూడా. దీంతో "ఆరు టాస్కుల్లో గెలిచి 6 వైల్డ్ కార్డ్ ఎంట్రీలను మీరు ఆపారు.. కాబట్టి మరో 6 మంది ఇంటి సభ్యులు ఎంట్రీ ఇస్తున్నారంటూ" బిగ్బాస్ ప్రకటన చేసే అవకాశం ఉంది. అయితే, ఈ ఆరుగురు సభ్యులు బిగ్బాస్ గ్రాండ్ లాంఛ్ 2.0లో ఎంట్రీ ఇచ్చే అవకాశం ఉంది.