Balakrishna NBK 109 Kajal Agarwal :నందమూరి నటసింహం బాలయ్య ప్రస్తుతం ఏపీ ఎలక్షన్స్ దగ్గరపడడంతో ఆ పనిలో బిజీగా ఉన్నారు. గెలుపే లక్ష్యంగా గ్యాప్ లేకుండా ప్రచార సభల్లో గడుపుతున్నారు. వరుస విజయాలతో జోరు మీదున్న ఆయన గతేడాది భగవంత్ కేసరితో భారీ మాసివ్ బ్లాక్ బస్టర్ను ఖాతాలో వేసుకున్నారు. ప్రస్తుతం ఆయన మరో యంగ్ డైరెక్టర్ బాబీతో కలిసి ఎన్బీకే 109 చేస్తున్నారు. ఈ మూవీ షూటింగ్ దశలో ఉంది. బాలీవుడ్ నటుడు బాబీ దేఓల్ విలన్గా నటిస్తున్నారు. తెలుగు భామ చాందిని చౌదరి, మలయాళ స్టార్ హీరో దుల్కర్ సల్మాన్, దర్శకుడు గౌతమ్ వాసుదేవ్ మేనన్ కీలక పాత్రలు పోషిస్తున్నారు. ఈ చిత్రాన్ని సితార ఎంటర్‌టైన్‌మెంట్స్‌పై నాగ వంశీ, ఫార్చూన్ ఫోర్ సినిమా సాయి సౌజన్య భారీ బడ్జెట్తో నిర్మిస్తున్నారు. సెన్సేషనల్ మ్యూజిక్ డైరెక్టర్ తమన్ స్వరాలు సమకూరుస్తున్నారు. ఇంకా ఈ చిత్రంలో బాలీవుడ్ బ్యూటీ ఊర్వశీ రౌతేలా కూడా నటిస్తున్నట్టు మూవీటీమ్ ఇప్పటికే అఫీషియల్గా అనౌన్స్ కూడా చేసింది. కానీ తనే హీరోయిన్ అని చెప్పలేదు. ఇతర హీరోయిన్ల పేరును కూడా అధికారికంగా ప్రకటించలేదు.
బయట నుంచి అందిన సమాచారం ప్రకారం రౌతేలా ఓ పోలీస్ ఆఫీసర్ పాత్ర అని తెలిసింది. అయితే తాజాగా హీరోయిన్ ఎవరనేది కూడా ప్రచారం సాగుతోంది. ఆమె మరెవరో కాదు చందమామ కాజల్ అగర్వాల్. ఈమె ఓ కీలక పాత్రలో నటించనున్నట్లు చెబుతున్నారు. అదే సమయంలో మరో ప్రచారం కూడా సాగుతోంది. కాజల్ చేసేది కాస్త నెగిటీవ్‌ షేడ్స్‌ ఉండే పాత్ర అని మరొకొందరు చెబుతున్నారు. మరి ఇందులో నిజమెంతో తెలీదు కానీ అఫీషియల్ అనౌన్స్మెంట్ వస్తే కానీ దీనిపై క్లారిటీ రాదు. మరో విశేషమేమిటంటే బాలయ్య నటించిన గత సినిమా భగవంత్ కేసరిలోనూ బాలయ్యకు జోడీగా కాజల్ అగర్వాల్ కనిపించి ఆకట్టుకుంది. తన కామెడీతో బాలయ్యతో కలిసి నవ్వించింది.